Xanımlardan ibarət orkestr yaradıldı

Xanımlardan ibarət  orkestr yaradıldı
22 noyabr 2021
# 18:10

Azərbaycanda ilk dəfə olaraq xanımlardan ibarət Kamera Orkestrin təqdimatı olub.

Kulis.az xəbər verir ki, orkestrin yaradıcısı Azərbaycan Dövlət Opera və Balet Teatrının solisti, Xalq artisti Fidan Hacıyevadır.

Üzeyir Hacıbəyli adına Bakı Musiqi Akademiyasının dosenti, tanınmış bəstəkar Könül Hüseynova orkestr barədə məlumat verərək deyib: “Orkestrin adı məhz Fidan Hacıyevanın səs tembrinə uyğun olaraq seçilib. Orkestr “Mezzo” adlanır. Ölkəmizin istedadlı ifaçılarından təşkil olunan bu orkestr xalqımızı, mədəniyyətimizi bütün dünyada layiqincə təmsil edəcək. Orkestrin yaradılması repertuar genişliyinə, eləcə də Azərbaycanın və Qərb ölkələrinin bəstəkarlarının əsərlərinin təbliğində çox böyük rol oynayacaq. Xaricdə bu cür orkestrlər artıq yaradılıb. Azərbaycanda isə ilk dəfə olaraq bu orkestr Fidan Hacıyeva tərəfindən yaradılıb. Bu layihə bizim və xarici ölkə bəstəkarlarının təbliği baxımından çox böyük önəm kəsb edəcək. Orkestrin xanımlardan ibarət olması başqa bir məqsəd də daşıyır. Fidan xanım bizim gənc xanımlarımızın daim maariflənməsi və gözəl ideyalar arxasınca getməsinin tərəfdarıdır. Təhsillə bağlı əngəlləri olan xanımlar onu çox narahat edir. O, bu addımı ilə onlara çağırış etmək istəyir. Bundan əlavə, Fidan Hacıyevanın çox gözəl bir layihəsi də var. Rayon və kəndlərimizdə olan gənc qızlarımızın istedadlarını üzə çıxarmaq üçün maarifləndirici konsert proqramları hazırlamağı planlayırıq. Məqsədimiz isə ən imkansız ailələrin uşaqlarını seçib, təhsilini, yaşayış şərtlərini Bakıda təmin etməkdir. Onlar bizim və dövlətimizin nəzarəti altında öz təhsillərini davam etdirəcəklər”.

# 1792 dəfə oxunub

Oxşar xəbərlər

“Azərbaycanın rəngləri: Multikulturalizm diyarı” adlı fotosərgi açıldı

“Azərbaycanın rəngləri: Multikulturalizm diyarı” adlı fotosərgi açıldı

13:01 14 iyun 2025
Azərbaycanlıların “plyonkalı maşın” ehtirası - İkinci Mahmud

Azərbaycanlıların “plyonkalı maşın” ehtirası - İkinci Mahmud

12:00 14 iyun 2025
Tanınmış aktyor Ozan Güvən həbs olundu

Tanınmış aktyor Ozan Güvən həbs olundu

10:11 14 iyun 2025
Pampers dərdi və bərbər - Murad Köhnəqala

Pampers dərdi və bərbər - Murad Köhnəqala

10:00 14 iyun 2025
Audiovizual Şuradan “Space TV”yə xəbərdarlıq

Audiovizual Şuradan “Space TV”yə xəbərdarlıq

18:33 13 iyun 2025
Rüstəm Behrudinin əsərləri türk və alman dillərində

Rüstəm Behrudinin əsərləri türk və alman dillərində

18:11 13 iyun 2025
# # #