Xalq şairi Qabilin 100 illiyinə həsr olunan metodiki vəsait hazırlandı

Xalq şairi Qabilin 100 illiyinə həsr olunan metodiki vəsait hazırlandı
11 avqust 2026
# 18:00

Cəfər Cabbarlı adına Respublika Gənclər Kitabxanasında Xalq şairi Qabilin anadan olmasının 100 illiyinə həsr edilən “Qabil yaradıcılığına bir baxış” adlı metodiki vəsait hazırlanıb.

Kitabxanadan kulis.az-a bildirilib ki, vəsait Xalq şairi Qabilin həyat və yaradıcılığının geniş oxucu kütləsinə, xüsusilə gənclərə daha ətraflı tanıdılması, şairin ədəbi irsinin öyrənilməsi və təbliği məqsədilə hazırlanıb.

Vəsait kitabxana əməkdaşları, müəllimlər, tələbələr, tədqiqatçılar və ədəbiyyatla maraqlanan oxucular üçün Qabil yaradıcılığı ilə bağlı tədbirlərin, sərgilərin, ədəbi-bədii gecələrin və digər maarifləndirici layihələrin hazırlanmasında faydalı mənbə kimi nəzərdə tutulub.

Metodiki vəsaitdə Qabilin həyat və yaradıcılıq yolu, Azərbaycan ədəbiyyatındakı mövqeyi, poetik irsi və yaradıcılığının əsas istiqamətləri haqqında məlumatlar təqdim olunub. Vəsaitdə Xalq yazıçısı Elçinin “Qabilin şəxsiyyəti və yaradıcılığı haqqında bir-iki söz”, akademik Rafael Hüseynovun “Əvəzsiz şairin əvəz etdiyi misra və dəyişməsi çətin olan həqiqətlər”, ədəbiyyatşünas Vaqif Yusiflinin “Unudulmaz Qabilimiz” məqalələrinin tam mətni əks olunub.

Kitabxana əməkdaşları tərəfindən hazırlanan vəsaitdə Qabilin əsərlərinin təbliği və oxuculara çatdırılması istiqamətində kitabxanalarda keçirilə biləcək tədbirlərə dair metodiki tövsiyələrə yer verilib. Ədəbi gecələr, kitab sərgiləri, müzakirələr və digər mədəni-maarif tədbirlərinin təşkili, elektron məlumat bazalarının hazırlanması istiqamətində təklif və tövsiyələr təqdim edilib.

Xalq şairi Qabilin 100 illik yubileyi münasibətilə hazırlanan metodiki vəsait kitabxananın rəsmi saytında yerləşdirilib.

# 1054 dəfə oxunub

Oxşar xəbərlər

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Emir Kusturitsa: "Putinlə söhbət  mənim üçün böyük yaradıcılıq ilhamı oldu"

Emir Kusturitsa: "Putinlə söhbət mənim üçün böyük yaradıcılıq ilhamı oldu"

11:57 21 noyabr 2026
Xalq rəssamının oğlu vəfat etdi

Xalq rəssamının oğlu vəfat etdi

11:27 21 noyabr 2026
Ana səhifə Reels Yazarlar Xəbərlər