“Marvel” kinostudiyasının son filmi olan “Tor: Sevgi və ildırım” ekranlara çıxmasına bir həftə qalmış məlum olub ki, filmdəki bir çox tanınmış simaların çəkildiyi bəzi səhnələr filmə daxil edilməyib.

Kulis.az xəbər verir ki, bu adlardan biri də “Game of Thrones” serialının ulduzu Lena Headeydir.

Bu barədə açıqlama verən rejissor Taika Waititi qeyd edib ki, filmlərin çəkilişlər başa çatdıqdan sonra montaj mərhələsindən əvvəl vacib görünən bəzi rollar qısaldıla və ya filmdən tamamilə çıxarıla bilər.

• Alimin niyyəti pul qazanmaq olsa, şeytana papış tikər
• "Erməni qızları gecə-gündüz ona xidmət edirdilər" - Türk qətliamının pərdəarxasında kim var idi?
• "Kurtlar vadisi"nin rejissoru Osman Sınav vəfat etdi

Lena Headey filmdə görməyəcəyimiz yeganə ad deyil. Məşhur ingiltərəli aktyor Kristian Beyl Total verdiyi müsahibədə “Eitri” rolu ilə “Marvel” dünyasına daxil olan Peter Dinklage və “Gradmaster” obrazını canlandıran Ceff Qoldblum ilə səhnələrin olduğunu, lakin bu səhnələrin filmə daxil edilmədiyini bildirib.

Qeyd edək ki, film komiks personajı Torun qalaktika mühafizəçiləri ilə birlikdə kosmos səyahətinə çıxdıqdan sonrakı həyatından bəhs edir. İki saat davam edəcək film “Marvel”in ən qısa ekran əsərlərindən biri olacaq.

• Alimin niyyəti pul qazanmaq olsa, şeytana papış tikər
• "Erməni qızları gecə-gündüz ona xidmət edirdilər" - Türk qətliamının pərdəarxasında kim var idi?
• "Kurtlar vadisi"nin rejissoru Osman Sınav vəfat etdi