İspaniyalı musiqiçi, rəssam və rejissor Viktor Mariya Aparisio Abundansiya 67 yaşında Qalisiya regionunda baş verən velosiped qəzasında həyatını itirib.
Kulis.az xəbər verir ki, 1958-ci ildə Tui şəhərində anadan olan sənətkar 1970-ci illərin sonlarında pank səhnəsində başladığı yaradıcılıq yolunu 40 ildən artıq müddətdə musiqi, komiks, kino və klip sahələrində uğurla davam etdirib.
Yaradıcılıq fəaliyyətinə 1979-cu ildə təsis etdiyi "Los Coyotes" qrupu ilə başlayan sənətçi İspaniyada latın ritmlərini rok musiqisi ilə sintez edən pionerlərdən biri olub.
1992-ci ildə qrupun fəaliyyətinə son qoyulduqdan sonra o, təsviri sənət, komiks və kliprejissorluğu sahələrinə yönəlib.
"Los Rodríguez" qrupunun "Milonga" klipinə və Qalisiyada populyar olan "Carmiña Vacaloura" animasiya layihəsinə imza atıb.
1995-ci ildən solo musiqi karyerasına başlayan sənətçi "Jaguarundi" bəstəsi ilə diqqət çəkib və bu əsər İspaniya Velosiped Turunun ("Vuelta a España") rəsmi saundtreki seçilib.
O, 2024-cü ildə "Si te falta calle" adlı komiks albomunu təqdim edib və bu ilin may ayında "Kann" festivalının xüsusi qonağı olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
