Səməndər Rzayevin xatirə gecəsi keçirildi

Səməndər Rzayevin xatirə gecəsi  keçirildi
15 aprel 2025
# 12:18

Azərbaycan Dövlət Film Fondunda görkəmli teatr və kino aktyoru, Əməkdar artist Səməndər Rzayevin anadan olmasının 80 illiyi münasibətilə xatirə gecəsi keçirilib.

Fonddan Kulis.az-a bildirilib ki, tədbir çərçivəsində sənətkarın həyat və yaradıcılığını özündə əks etdirən fotosərginin açılışı olub.

Xatirə gecəsini giriş sözü ilə tədbirin aparıcısı, Azərbaycan Dövlət Film Fondunun direktoru, Əməkdar incəsənət xadimi Cəmil Quliyev açaraq, S.Rzayevin çoxşaxəli yaradıcılıq yolu haqqında məlumat verib, onun teatr və kino fəaliyyəti ilə yanaşı, dublyaj sahəsində də şöhrət qazandığını qeyd edib.

Azərbaycan Kinematoqrafçılar İttifaqının sədri, Xalq artisti Rasim Balayev görkəmli aktyorla birlikdə keçən gənclik illərini xatırladıb, onunla ilk dəfə “Nəsimi” filmində tərəf-müqabil olduğunu bildirib.

Tədbirdə çıxış edən Xalq artistləri Şəfiqə Məmmədova, Rafiq Əzimov, Tariyel Qasımov, sənətşünaslıq doktoru professor İlham Rəhimli tanınmış aktyor haqqında xatirələrini bölüşüblər.

Əməkdar incəsənət xadimi, kinoşünas Aydın Kazımzadə sənətkarın kino yaradıcılığı haqqında məlumat verib.

Sonda sənətkarın ailə üzvləri adından qızı Rübabə Səməndər çıxış edərək, tədbirin təşkilinə görə Dövlət Film Fondunun rəhbərliyinə və kollektivinə təşəkkürünü bildirib.

Tədbir boyu sənətkarın həyat və yaradıcılığını özündə əks etdirən videoçarx və aktyorun çəkildiyi, dublyaj etdiyi filmlərdən fraqmentlər nümayiş etdirilib.

# 362 dəfə oxunub

Oxşar xəbərlər

Əli Əmirlinin yeni kitabı çap olundu

Əli Əmirlinin yeni kitabı çap olundu

10:17 6 may 2025
“İncəsənətdə müəllim keyfiyyəti” - Dəyirmi masa

“İncəsənətdə müəllim keyfiyyəti” - Dəyirmi masa

09:54 6 may 2025
Belarusda Azərbaycan Mədəniyyəti Günləri keçiriləcək

Belarusda Azərbaycan Mədəniyyəti Günləri keçiriləcək

09:40 6 may 2025
“Səhra qartalı” kitabının təqdimatı olub

“Səhra qartalı” kitabının təqdimatı olub

09:15 6 may 2025
APA Jurnalist Məktəbi növbəti təlim kursuna start verib - FOTO

APA Jurnalist Məktəbi növbəti təlim kursuna start verib - FOTO

21:57 5 may 2025
Yəhudilərin borc əvəzinə istədiyi, girov qoyulan türk yurdu - Krım kimindir?

Yəhudilərin borc əvəzinə istədiyi, girov qoyulan türk yurdu - Krım kimindir?

18:44 5 may 2025
# # #