Rusiyalı oxucular arasında aparılan sorğuya görə, Fyodor Dostoyevskinin “Cinayət və cəza” romanının qəhrəmanı Rodion Raskolnikovu ədəbiyyatda əsas “red flaq” (yəni münasibətlərdə təhlükəli və mənfi xüsusiyyətləri təcəssüm etdirən) obraz adlandırıblar.
Kulis.az xəbər verir ki, sorğuya əsasən, Yevgeni Onegin və İlya Oblomov da romantik münasibətlər üçün ən cəlbedici olmayan kişi obrazları sayılıblar.
Tixon Kabanov və Peçorin isə “Z” nəsli tərəfindən infantil, passiv və emosional bağlılığa görə mənfi qiymətləndirilib. Qadın qəhrəmanlar arasında “red flag” statusunu Anna Karenina, Marqarita və Sonya Marmeladova alıblar.
Ən “müsbət” kişi obrazları sırasında Pyer Bezuxov, Pyotr Qrinyev və Andrey Bolkonski yer alıb. Qadın qəhrəmanlar arasında isə “green flaq” (yaxşı, etibarlı insan tipi) sayılanlar Nataşa Rostova və Tatyana Larina olub.
Maraqlıdır ki, Marqarita həm “green flaq”, həm də “red flaq” kimi qeyd edilib — ekspertlər bunu “Madonna-fahişə kompleksi” ilə izah edirlər: kişilər güclü, azad və duyğulu qadınlara heyran olsalar da, eyni zamanda onlardan qorxurlar.
Respondentlər bildiriblər ki, “red flag” seçimində əsas məsələ konkret qəhrəman deyil, onun davranış tipidir. Ən xoşagəlməz tiplər arasında manipulyator və narsis kişilər, şəxsi mənfəət güdən qadınlar, eləcə də təhlükəli və destruktiv şəxsiyyətlər olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
