Türkiyə III Ur, qədim Akkad və Babil dövrlərinə aid iqtisadi, inzibati və dini məzmunlu altı mixi yazılı gil tableti İraqa qaytardı.
Kulis.az xəbər verir ki, tabletlərin təhvil verilməsi mərasimi Mədəniyyət və Turizm nazirinin müavini Gökhan Yazqı ilə İraqın Ankaradakı səfiri Macid Abdulreda Hassan Al-Laçmaninin iştirakı ilə Ankaradakı Cumhuriyyət Muzeyində keçirildi.
Nazir müavini mərasimdə deyib: “İraq rəsmiləri prosesi böyük həssaslıqla izləyib, öz mütəxəssislərinin dəstəyi ilə kömək göstəriblər. Bu gün qaytarılan tabletler qədim Akad, III Ur və qədim Babil dövrlərinə aiddir. Tabletlərin məzmunu, yazı üslubu və istifadə olunan terminologiya Cənubi İraqdakı mərkəzlərlə birbaşa bağlıdır. Bu tabletlər gündəlik əməliyyatlardan tutmuş ruhani siyahılar və qiymətli əşyaların qeydiyyatına qədər çoxsaylı məlumatlar təqdim edən, elmi və mədəni baxımdan unikal sənədlərdir.”
Bununla da qaytarılan mədəniyyət nümunələrinin sayı 97-yə çatıb.
Qeyd edək ki, əsərlərin elmi analiz və tarixçə təsnifatını professor Selim Ferruh Adalı aparıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
