"Onu oxumağa qoymurdular" - Cavanşir Quliyev Aygün Bəylərdən danışdı

"Onu oxumağa qoymurdular"  - Cavanşir Quliyev Aygün Bəylərdən danışdı
7 yanvar 2024
# 18:00

“Aygün bütün müğənnilər kimi rahat ömür yaşamadı, onun ömrü özünü oda-közə vurmaqla keçdi. Heyf oldu getdi. Azərbaycan yaxşı bir insanı, gözəl bir sənətkarını itirdi”.

Kulis.az xəbər verir ki, bu sözləri Lent.az-a bəstəkar Cavanşir Quliyev Aygün Bəylərlə bağlı xatirələrini bölüşərkən deyib.

“Onunla ilk dəfə 1993-cü ildə təsadüfən tanış olmuşduq. O, məktəblilər flarmoniyasının ansamblında nağarada ifa edirdi. Mənə dedi ki, oxumaq istəyir, amma onu ansamblda oxumağa qoymurlar. Onun səsini yoxlamaq istədim. Mən oxumaq istəyənləri həmişə “Qara gilə” mahnısı ilə yoxlayıram. Dedim, “Qaragilə”ni oxu. Elə oxudu, heyran qaldım. İlk dəfə efirə onu mən çıxardım, Nahid Hacızadənin sözlərinə yazdığım “Dağlar” mahnısı ilə AzTV-nin elan etdiyi vətənpərvərlik müsabiqəsində qalib oldu. O mahnını bu gün sosial şəbəkə hesabımda paylaşmışam”.

Mənə həmişə “məllim” deyə müraciət edirdi, çox səmimi, xətir-hörmət bilən insan idi. Sonralar mən xaricə getdim, bir az uzaq düşdük. 2 il öncə qayıtdım və Aygünlə 6-7 mahnı yazdıq. Heyf ki, üzə çıxarmağa zamanı qalmadı”, - deyə o qeyd edib.

Cavanşir Quliyev əlavə edib ki, Aygün Bəylər yaşasaydı, bəstəkar kimi də öz istedadını göstərə bilərdi:

“Bəstəkarlıq bir peşədir, onun buna da istedadı var idi. Bəstəkarlıq üzrə ali təhsil almışdı. Amma zamanı olmurdu. Aygün digər müğənnilər kimi rahat həyat yaşamadı, çox çalışırdı, tək idi, zəhmətkeş idi. Çox dürüst, düşüncələrini olduğu kimi dilə gətirən insan idi. Buna görə, onunla sözümüz tuturdu. Heyif oldu getdi”.

# 3141 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
#
#
# # #