" ...Milli mədəniyyətimiz qarşısında müstəsna xidmətlərinə, çalışdığı sahənin inkişafında əldə etdiyi uğurlara görə Azərbaycan Respublikası Prezidentinin müvafiq Sərəncamı əsasında verilir"

Kulis.az xəbər verir ki, bunu Nazirliyin "İncəsənət və qeyri-maddi mədəni irs" şöbəsindən Əməkdar artist, müğənni Cavanşir Məmmədovun “Xalq artisti” fəxri ad istəyinə cavab olaraq bildiriblər.

"Azərbaycan Respublikası Prezidentinin 14 may 1999-cu il tarixli 130 nömrəli fərmanı ilə təsdiq olunmuş Azərbaycan Respublikasının fəxri adları haqqında Əsasnaməsinə əsasən mədəniyyətimizin inkişafında xidmətləri olan incəsənət xadimlərinə fəxri adlar yaş həddinə, yaxud uzunillik fəaliyyətə görə deyil, milli mədəniyyətimiz qarşısında müstəsna xidmətlərinə, çalışdığı sahənin inkişafında əldə etdiyi uğurlara görə Azərbaycan Respublikası Prezidentinin müvafiq Sərəncamı əsasında verilir".

• SSRİ bayrağı Sarıxanlını necə "işğal etdi"?
• “Azərbaycanlıların deportasiyası" filmi təqdim edildi
• "Gecə düşüncəsi"ni Mikayıl Müşfiqin anım gününə həsr etdi

Xatırladaq ki, əməkdar artist Cavanşir Məmmədov bir müddət əvvəl ona Xalq artisti fəxri adının verilməməsi ilə bağlı etirazını bildirmişdi:

"Nazirliklərdə rütbəni 3-5 il arasında verilir. Niyə mən 17 ildir ki, əməkdar artist adını daşıyıram? Peşman olublarsa, geri qaytarsınlar. Ulu Öndərin təqdimatında səhnəyə gəlmişəm. Şəkillərim, sənədlərim var. Bəyənirlərsə, niyə ad vermirlər? Cənab nazirdən aslı deyil. O təzə gəlib. Yəqin, xətrimi çox istəyir. Elə xalq artistləri var ki, Moskvadan o tərəf ə keçməyiblər. Bu, necə olur? 18 yaşımdan səhnədəyəm, xidmət etmişəm, öz haqqımı istəyirəm. Bəlkə, səhnə mədəniyyətim zəifdir? 151 mahnı oxumuşam, 121-i bəstəkar mahnısıdır. Azərbaycan muğamlarını, bəstəkar və estrada musiqilərimizi barmağım kimi bilirəm. Həm xalq, həm də estrada musiqilərindən xəbərdar olan yeganə müğənniyəm".

/sherg.az/

• SSRİ bayrağı Sarıxanlını necə "işğal etdi"?
• “Azərbaycanlıların deportasiyası" filmi təqdim edildi
• "Gecə düşüncəsi"ni Mikayıl Müşfiqin anım gününə həsr etdi