Moskvanın Nikulinski rayon məhkəməsi narkotik təbliğatında ittiham olunan repçi Qanvestin (Ruslan Qominov) işinə baxacaq.
Kulis.az xəbər verir ki, bu barədə paytaxtın ümumi yurisdiksiya məhkəmələrinin mətbuat xidməti məlumat yayıb.
Məlumatda deyilir:
"2026-cı il aprelin 27-də Ruslan Vladimiroviç Qominov barəsində Rusiya Federasiyası İnzibati Xətalar Məcəlləsinin müvafiq maddəsi ilə inzibati xəta haqqında protokol daxil olub".
Məhkəmə iclasının tarixinin hələ təyin edilmədiyi vurğulanır.
"Nikotin", "Xuliqan"...
Bundan əvvəl bildirilirdi ki, iddialar ifaçının "VKontakte" sosial şəbəkəsində hamı üçün açıq şəkildə yerləşdirilmiş bir sıra musiqi kompozisiyalarına aiddir. Siyahıya xüsusilə "Nikotin", "Bardak", "V neadekvate", "Ananasovıy sirop", "Na Raxate", "Kayfuli", "Kodinq/şneyne" və "Xuliqan" kimi treklər daxildir.
Qeyd edək ki, hələ fevral ayında da Qanvestə qarşı narkotik vasitələrin təbliğatı faktı üzrə inzibati iş açılmışdı. Məsələ böyüdükdən sonra Qominov 25 trekinə senzura tətbiq edəcəyinə və xeyriyyəçiliklə məşğul olacağına söz vermişdi. Musiqiçi vurğulamışdı ki, yaradıcılığından "bütün mübahisəli məqamları" çıxarmaq və onları Rusiya qanunvericiliyinin tələblərinə tam uyğunlaşdırmaq niyyətindədir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər