“Koroğlu“ operası yenidən göstəriləcək

“Koroğlu“ operası yenidən göstəriləcək
6 aprel 2022
# 19:30

Aprelin 30-da “Koroğlu“ növbəti dəfə Opera və Balet Teatrında səhnəyə qoyulacaq və tamaşa operanın 85 illiyinə həsr olunacaq.

Kulis.az xəbər verir ki, yubiley tamaşasında Koroğlu partiyasını Azərbaycan Dövlət Akademik Opera və Balet Teatrının aparıcı solisti, Respublikanın Əməkdar artisti, istedadlı vokal ustası Ramil Qasımov ifa edəcək.

Tamaşada həmçinin Əməkdar artistlər İlahə Əfəndiyeva (Nigar), Cahangir Qurbanov (Həsən xan), Tural Ağasıyev (Həmzə bəy), Xalq artistləri Əli Əskərov (Vəzir), Əkrəm Poladov (Alı), Fidan Hacıyeva (Xanəndə qız) və b. çıxış edəcəklər.

Opera tamaşasını Əməkdar artist, dirijorların beynəlxalq müsabiqələrinin və “Humay “ milli mükafatının laureatı Əyyub Quliyev idarə edəcək.

Qeyd edək ki, aprelin 30-da dahi Azərbaycan bəstəkarı Üzeyir Hacıbəylinin “Koroğlu “ operasının ilk tamaşasının 85 illiyi tamam olur. "Koroğlu" Ü.Hacıbəyli yaradıcıllığının şah əsəri, ən yüksək zirvəsidir. Bu əsər milli opera sənətimizin ən dəyərli nümunələrindən biri olub yarandığı gündən Azərbaycan Dövlət Akademik Opera və Balet Teatrının repertuarında möhkəm yer tutur.

# 2430 dəfə oxunub

Oxşar xəbərlər

Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
Mahnı Teatrına yeni direktor təyin olundu

Mahnı Teatrına yeni direktor təyin olundu

17:18 4 aprel 2025
Nizaməddin məscidi nəzarətə götürülüb

Nizaməddin məscidi nəzarətə götürülüb

17:17 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

17:00 4 aprel 2025
#
#
# # #