Kulis.az Nəriman Həsənzadənin "Nə qəribədir" şeirini təqdim edir.

Elə dayanırsan, elə baxırsan,
Elə bil qarşında quru bir daşam.
İpək saçlarını bir vaxt oxşayan
Elə bil hardasa mən olmamışam.

Səni dostlarımla, tanışlarımla,
Mən tanış edərdim nə vaxtsa bir-bir.
İndi özgələri yad ehtiramla,
Deyirlər tanış ol...
Nə qəribədir?!

Yuxuda görərdin nə vaxtsa hər dəm,
Yolumu gözlərdin yollardan uzaq.
Mən sənin yuxundan çıxıb gəlmişəm,
Bu da bir yuxudur, gəl tanış olaq.

• Məşhur bəstəkar vəfat etdi
• Səlim Babullaoğlu Avropa Elm və Sənət Akademiyasının üzvü seçildi
• “Kontrabas” festivaldan mükafatlarla qayıtdı

Qoluna girərdim... bu, yadındadır,
gedərdik... yolumuz , arzumuz şərik.
Qolum qollarının lap yanındadır,
toxunsa biz indi üzr istəyirik.

Hayanda oldumsa səhər, ya axşam,
Aradın sən məni, gördün sən məni.
İndi gözlərinin qabağındayam,
Hayanda durum ki,
Görəsən məni?

• Məşhur bəstəkar vəfat etdi
• Səlim Babullaoğlu Avropa Elm və Sənət Akademiyasının üzvü seçildi
• “Kontrabas” festivaldan mükafatlarla qayıtdı