Gürcüstanda azərbaycanlılar haqda sənədli film çəkildi

Gürcüstanda azərbaycanlılar haqda sənədli film çəkildi
26 may 2022
# 10:30

Gürcüstanda fəaliyyət göstərən “Qırmızı körpü” qeyri-hökumət təşkilatının (QHT) illik hesabatı təqdim olunub və təşkilatın ərsəyə gətirdiyi “Mağiare” (“Məni tanı”) sənədli filmi nümayiş etdirilib.

Kulis.az xəbər verir ki, Azərbaycanın Gürcüstandakı səfirliyinin dəstəyi ilə çəkilmiş filmdə qonşu ölkədə yaşayan və fiziki məhdudiyyətli etnik azərbaycanlıların üzləşdikləri çətinliklərdən bəhs olunur.

Gürcüstanın Milli Parlament Kitabxanasında keçirilən tədbirdə səfirliyin məsul əməkdaşları Anar Rəsulov, Tamerlan Tağıyev, QHT nümayəndələri, hüquq müdafiəçiləri, azərbaycanlı və gürcü gənclər iştirak ediblər.

“Qırmızı körpü” təşkilatının rəhbəri, tanınmış jurnalist Ceyhun Məhəmmədəli qeyd edib ki, rəhbərlik etdiyi qurumun əsas məqsədi Gürcüstanda yaşayan soydaşlarımızı Gürcüstan ictimaiyyətinə daha yaxından tanıtmaq, Azərbaycanın tarixini, mədəniyyətini təbliğ etməkdir.

Film barədə məlumat verən C.Məhəmmədəli deyib ki, sənədli filmdə Kaxeti və Kvemo Kartli bölgəsində yaşayan fiziki məhdudiyyətli soydaşlarımızdan bəhs olunur. Özlərini cəmiyyətindən tam təcrid olunmuş hesab edən bu dörd insanın əsas tələbləri onlara qarşı dövlətin diqqət və qayğısının artırılmasına, tamhüquqlu vətəndaş kimi sosial və digər xidmətlərdən istifadəyə nail olmaqdır”.

Onun sözlərinə görə, Gürcüstanın parlament və Ombudsman Aparatının nümayəndələri də həmin insanların vəziyyəti ilə tanış olublar. Hər iki qurumun nümayəndələri etiraf edirlər ki, fiziki imkanları məhdud şəxslərlə bağlı bir sıra problemli məsələlər mövcuddur və xüsusən də bu qrupa daxil olan etnik azlıq nümayəndələri daha çox problemlərlə üzləşirlər.

Təqdimat mərasiminin sonunda təşkilatın fəal üzvlərinə sertifikatlar təqdim edilib.

Azərbaycanın Gürcüstandakı səfirliyi adından QHT-yə iki ədəd noutbuk hədiyyə edilib.

# 1440 dəfə oxunub

Oxşar xəbərlər

Pezeşkian Bakıda bu şeiri dedi - Video

Pezeşkian Bakıda bu şeiri dedi - Video

20:53 28 aprel 2025
"Baku Flames Beynəlxalq Yaradıcılıq və Effektivlik Festivalı" keçiriləcək

"Baku Flames Beynəlxalq Yaradıcılıq və Effektivlik Festivalı" keçiriləcək

18:30 28 aprel 2025
"The Mayhem Ball" başladı

"The Mayhem Ball" başladı

16:35 28 aprel 2025
İranla qarşılıqlı mədəniyyət günləri keçiriləcək

İranla qarşılıqlı mədəniyyət günləri keçiriləcək

16:15 28 aprel 2025
Bahəddin Həzi - 60

Bahəddin Həzi - 60

14:30 28 aprel 2025
Heydər məscidinə memarlıq abidəsi statusu verildi

Heydər məscidinə memarlıq abidəsi statusu verildi

14:15 28 aprel 2025
#
#
# # #