Azərbaycan ədəbiyyatının görkəmli nümayəndəsi, tanınmış şair-yazıçı, professor Məmməd İsmayılın anadan olduğu Tovuz rayonunun Əsrik kəndində bürüncdən ibarət büstünün açılışı olub.
Kulis.az xəbər verir ki, bu barədə şairin qızı Könül İsmayıl məlumat yayıb:
"Yaşadığı dövrdə mərdliyi, cəsarəti və heç vaxt əqidəsindən dönməməsi ilə seçilən bu böyük insanın həmin xarakteri büstündə də öz əksini tapmışdır. Öz arzusu və vəsiyyətinə uyğun olaraq, kəndə hakim bir təpədə, bütün doğma elini görə biləcəyi məkanda dəfn edilmişdir.
Allahdan Atama rəhmət diləyirik. Ruhun şad, məkanın cənnət olsun, Ata! Səni xatırlamadığımız bir an belə olmadı. Gedişin qəlbimizdə sağalmayan bir yara, silinməyən bir iz qoydu. Sən hər zaman qəlbimizdə yaşayacaqsan!'
Şairin xatirəsini yad etmək istəyənlər bu xiyabana – Əsrik kəndinin girişində yerləşən qəbiristanlığa üz tuta bilərlər.
Qeyd edək ki, şair öz arzusu və vəsiyyətinə uyğun olaraq, kəndə hakim olan, bütün doğma elini ayaqları altında görə biləcəyi hündür bir təpədə dəfn edilib.
Ailə üzvləri və sevənləri şairin yoxluğunu Azərbaycan ədəbiyyatı və cəmiyyəti üçün böyük itki adlandıraraq, onun xatirəsinin hər zaman qəlblərdə yaşayacağını, qoyub getdiyi zəngin ədəbi irsin heç vaxt silinməyəcəyini vurğulayıblar.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər