Gənc Yazarlar İttifaqı 29 sentyabr 2025-ci ildə sözə inanan gənclərin təşəbbüsü ilə yaranmışdır. Səbinə Dənizin rəhbərliyi ilə fəaliyyət göstərən bu ittifaq qısa müddət ərzində ədəbi məkan kimi tanınır.
Kulis.az xəbər verir ki, İttifaq gənc yazarların yaradıcılıq potensialını üzə çıxarmağı, onların sözünü geniş auditoriyaya çatdırmağı və ədəbiyyata yeni nəfəs gətirməyi qarşısına məqsəd qoyur.
Bu yolda müxtəlif istiqamətləri əhatə edən üç əsas klub fəaliyyət göstərir:
“Müasir Ədəbiyyat” müzakirə klubu — yeni ədəbi meyllərin araşdırıldığı, fikirlərin toqquşduğu və sözün dərinliyinə enildiyi bir düşüncə məkanıdır.
Aforizm klubu — gənc üzv yazarların yaradıcılığının tanınmasını hədəfləyir. Və onların yazılarından dəyərli sitatlar geniş auditoriyaya təqdim olunur.
Tarix klubu — keçmişin izlərini bu günə daşıyan, tarixdən ilham alaraq gələcəyin hekayələrini formalaşdıran bir ədəbi platformadır.
Burada fərqli düşüncələr birləşir, müxtəlif talelər yazıya çevrilir və hər kəs öz səsini tapmaq üçün bir addım daha yaxınlaşır.
Gənc Yazarlar İttifaqı — sözün gücünə inananların ünvanı, gələcəyin yazarlarının doğulduğu yerdir. Artıq 30 üzvü var.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
