Dekabrın 25-də Azərbaycan Dövlət Gənc Tamaşaçılar Teatrında İ. İmanın «Balaca, yaramaz məxluq» presi əsasında Əməkdar İncəsənət xadimi Bəhram Osmanovun quruluş verdiyi eyniadlı səhnə əsərinin premyerası baş tutub.

Kulis.az xəbər verir ki, lirik-psixoloji dram janrında qurulmuş tamaşanın quruluşçu rəssamı Mustafa Mustafayev, musiqi tərtibatçısı Şamxal Novruzlu, xoreoqrafı Nigar İbrahimbəylidir. Tamaşada Əməkdar artistlər Nəsibə Eldarova, İlham Əsədov, Gülər Nəbiyeva, aktyorlar Elşən Hacıbabayev, İlahə Əmirxanova, Vahid Orucoğlu, Araz Pirimov canlandırıblar.

Tamaşadan əvvəl quruluşçu rejissor Bəhram Osmanov mətbuata açıqlamasında tamaşanın əsas niyyətini dilə gətirib: «Tamaşa sosial-psixoloji problemləri ifadə edir. Son zamanlar cəmiyyətdə yeniyetmə və gənclər arasında baş verən intihar hadisələri hamımızı narahat edir. Problemi harada axtarmaq lazımdır: cəmiyyətdə, ailədə, məktəbdə, bəlkə biganəlikdə, yoxsa ikili həyat tərzi standartlarında?

Bu səhnə əsərində də gənc müəllim Fidan məktəblərində ola biləcək intiharın qarşını almaq üçün cəsarətli bir addım atır - həmkarlarına gerçək bir həyat dərsi verir. Ümid edirik ki, səhnə əsərinə baxan tamaşaçı da bu dərsdən öz faydasını götürəcək».

Qeyd edək ki, tamaşa sənətsevərlərin, incəsənət və mədəniyyət xadimlərinin böyük marağına səbəb olub.

• "Əngəlsiz Filmlər Festivalı" başlayır
• "Mənə dedilər, qonaqları məshəti türkləri ilə görüşməyə qoymayın..." - Nəriman Həsənzadə evi necə almışdı?
• İçimdə öldü sevgim... Məkanı cənnət olsun... - İlqar Fəhminin yeni şeirləri