"Mən öz anama, bacıma həyat yoldaşıma danışa bilməyəcəyim şeyləri tamaşaçı qarşısında səsləndirmərəm!"
Kulis.az xəbər verir ki, bu sözləri aktyor Elməddin Cəfərov deyib.
Onun sözlərinə görə, aktyorun doğmalarına qarşı münasibəti necədirsə, tamaşaçıya qarşı da münasibəti o cür olmalıdır:
"Mən öz anama, bacıma həyat yoldaşıma danışa bilməyəcəyim şeyləri tamaşaçı qarşısında səsləndirmərəm. Bunun əleyhinəyəm. Evdə onlarla necə davranıramsa, hər kəslə o cür davranmalıyam. Söyüşlü ifadələr yığınının adına "komediya" deyilməsinin də tərəfdarı deyiləm. Müəyyən sərhədlər var ki, onları keçmək olar. Amma bəziləri elə bir çərçivəni aşır ki, bu artıq biabırçılıqdır..."
Aktyor qeyd edib ki, Cem Yılmaz insanları söyüşlə güldürür:
"Cem Yılmazın konsertinə getmişdim. İnsanın yaranmasından danışırdı. Allah tərəfi, yaradılmasından danışmadı. Ərlə-arvadın münasibətindən, proseslərin necəliyindən... yəni, bildiyimiz pornoqrafiya. Hamı gülürdü. Donub qaldım ki, axı burada gülməli heç nə yoxdur. Öz izləyiciləri var, düzdür. Amma mən bu cür yumorun tərəfdarı deyiləm. Müəyyən çərçivələrim var. Düşünürəm ki, 7-dən 70-ə hamının müəyyən çərçivəsi olmalıdır. Söyüşlə güldürməyə nə var ki? Fərda Azərbaycanın bir nömrəli stəndap ustasıdır. Amma təbii ki, özümüzünküdür deyə bəyənməyəcəyik, qəbul etməyəcəyik. O da Cem Yılmaz kimi yumoruna söyüşlər qatsa, demirəm, Cem Yılmaz olacaq, amma Fərda Xudaverdiyev olacaq..."
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
