Əməkdar incəsənət xadimi, yazıçı-dramaturq Əli Əmirlinin yeni kitabı çap olunub.

Kulis.az xəbər verir ki, Əli Əmirlinin “Meydan” romanı 1988-ci ildə baş vermiş Meydan hadisələrindən bəhs edir.

Kitabının annotasiyasında deyilir: "Hər bir zaman əvvəl-axır tarixə çevrilir. "Köhnə ev", "Mesenat", "Şah Qacar", "Varlı qadın", "Hasarın o üzü" , "Bala başabəla" kimi onlarla məşhur pyesin müəllifi Əməkdar incəsənət xadimi, yazıçı-dramaturq Əli Əmirlinin yeni kitabına daxil etdiyi "Meydan" romanında cərəyan edən hadisələrin zamanı - 1988-ci il də artıq tarixdir. Bu həmin o ildir ki, milli azadlıq hərəkatı bütöv Azərbaycanı mübarizə meydanına çıxarmışdı. Bu həm də elə bir vaxtdı ki, ədəbiyyat, sənət baş verən və sürətlə irəliləyən dramatik hadisələrin dalınca qoşa bilmir, geridə qalırdı, amma bu da təkzibedilməz həqiqətdir ki, zamanın həqiqi şəkli, itmiş, keçmişə qovuşmuş vaxtın ovqat fotosu tarix əsərlərində deyil, məhz bədii əsərlərin obyektivindədir. Əlbəttə, əgər müəllif həyat həqiqətini bədii həqiqətə çevirməyi bacarıbsa."

Qeyd edilən tarixi hadisələrin izi ilə 1989-cu ildə yazılmış "Meydan" romanı 1992-ci ildə "Azərbaycan" jurnalında dərc edilsə də, kitab halında ilk dəfə 34 ildən sonra nəşr olunur.

• "Kinematoqrafiya haqqında” Qanun dəyişir
• "Sürücü dedi, sənin oğlunam, dedim, biabır oldum” – Valeh Kərimovla müsahibə
• Məryəm Ələkbərlinin rəsmlərindən ibarət sərgi keçiriləcək