Yazıçı Nizami Hüseynovun ilk bədii kitabı olan “Prometey əfsanəsi” romanı çap olunub.

Kulis.az xəbər verir ki, “XAN” Nəşriyyatında çap olunan kitabda “Prometey əfsanəsi” romanı və bir neçə hekayə yer alıb. Romanın qəhrəmanları Azər baba və müəllifin özüdür.

Hadisələrin mərkəzində 90 yaşını keçmiş Azər babanın xatirələri dayanır. XX əsrin əvvəllərindəki çətin şərait, Azərbaycan Xalq Cümhuriyyətinin qurulması, süqutu, bundan sonrakı işgəncələr Azər obrazının timsalında təqdim edilir.

Eksperimental roman kimi xarakterizə edilən əsər struktur baxımından da fərqlidir. Belə ki, süjet boyu əksər hadisələr paralel xətlərlə “yaxşı və pis”, “gerçəklik və xəyal” olaraq davam edir.

Hər kəsin “kaş ki”ləri olur. Kimi də az, kimi də isə bütün həyatı boyu. “Prometey əfasəni” bir “Kaş” romanıdır – arzuların çin olmadığı, bir millətin alovunun necə söndürüldüyünü ifadə edən roman.

Romanda hadisələrin böyük hissəsi XX əsrdə cərəyan edir. Burada Azərbaycan xalqının çəkdiyi əsarət zülmü, respublika quruculuğu, müstəqil olmaqdan müstəqilliyin bərpasına qədər davam edən keşməkeşli dövr təsvir edilir. Əsər Azərin timsalında Azərbaycanın taleyini göstərir.

Romanda XX əsr Azərbaycan ədəbiyyatının da izlərini aydın görmək olar. Pastişdən sıx istifadə romanı eksperimental ədəbiyyatın bir parçasına çevirir.

• “Çox qadın, əslində, heç bir qadın deməkdir” – Sizi yataqda xoşbəxt edənlər ruhunuzu necə öldürür?
• Şəhərdə qırğı nə gəzir axı?! - Nodar Dumbadzenin hekayəsi
• “21 Fevral – Beynəlxalq Ana Dili Günü” adlı sərgilər açıldı