Kanadalı məşhur pop ulduz Castin Biberin oxşarı küçədə qadını qaçırmağa cəhd edərək hadisə yerindən qaçıb.
Kulis.az xəbər verir ki, bu barədə ABŞ-nin "New York Post" nəşri məlumat yayıb.
İnsident iyunun 19-da Kaliforniya ştatındakı Heyvord şəhərində qeydə alınıb. Şahidlərin sözlərinə görə, naməlum kişi küçə ilə ona doğru gələn qadına qəfildən hücum edib. O, qadını tutaraq zorla bir neçə metr öz arxasınca sürüyüb.
Vətəndaşların müdaxiləsi faciənin qarşısını aldı
Zərərçəkmişin qışqırıq səsləri yoldan ötən insanların diqqətini cəlb edib. Köməyə qaçan vətəndaşlar qadını təcavüzkarın əlindən xilas etməyi bacarıblar. Qorxuya düşən şəxs isə dərhal oradan qaçaraq gizlənə bilib.
Xoşbəxtlikdən zərərçəkmiş qadın bu qorxunc insident zamanı heç bir fiziki xəsarət almayıb.
Cinayətkarın xüsusi əlamətləri
Polis şübhəli şəxsi aşağıdakı xüsusiyyətlərinə görə axtarışa verib:
İrqi: Ağdərili
Boyu: Təxminən 170 santimetr
Çəkisi: Təxminən 55 kiloqram
Xarici görünüşü: Qalın saçlar, nazik qaşlar və qeyri-adi göz rəngi.
Hadisəni görən bir neçə şahid müstəntiqlərə şübhəlinin qlobal ulduz Castin Biberə çox bənzədiyini bildirib. Hazırda hüquq-mühafizə orqanları ehtimal edilən adam oğrusunu axtararkən xüsusi oriyentir kimi məhz bu vizual təsvirdən istifadə edirlər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
