Bakı Şəhər Mədəniyyət Baş İdarəsinin tabeliyində fəaliyyət göstərən Vəli Məmmədov adına Mədəniyyət evində əlamətdar hadisə baş tutdu. Müəssisənin nəzdində “Mirvarid Dilbazi Poeziya” dərnəyinin rəsmi açılış mərasimi keçirilib.
Kulis.az xəbər verir ki, tədbirdə əvvəlcə Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib.
Tədbirdə çıxış edən “Mirvarid Dilbazi Poeziya” dərnəyinin rəhbəri Güllü Eldar Tomarlı bildirib ki, yeni yaradılan dərnəyin əsas məqsədi Azərbaycanın Xalq şairi Mirvarid Dilbazinin zəngin ədəbi irsini və sənət ənənələrini qoruyub saxlamaq, eyni zamanda gənc nəsildə milli-mənəvi dəyərlərə bağlılıq və sevgi aşılamaqdır. Dərnək təkcə ədəbi müzakirələrlə məhdudlaşmayaraq, milli sənət nümunələrinin təbliğini də ön plana çəkir.
Xətai Rayon İcra Hakimiyyətinin şöbə müdiri Pənah İmanov qeyd edib ki, dərnəyin açılışı milli dəyərlərimizin təbliği, mədəniyyətimizin inkişafı yolunda böyük addımdır. Onun sözlərinə görə, növbəti Kəlağayı Festivalının da Xətai rayonunda keçirilməsi planlaşdırılır.
Tədbirdə Xətai Rayon Ağsaqqallar Şurasının sədri, şəhid atası Mürvət Əsgərov, YAP Xətai rayon təşkilatının sədri Ramin Mirzəyev, Mirvarid Dilbazinin qızı Xatirə Dilbazi və başqaları çıxış edərək dərnəyin işinə uğurlar arzulayıblar.
Dərnəkdə “Kəlağayı ev muzeyi”nin bütün eksponatları, yaşı əsrlərə söykənən 200 qədimi və müasir kəlağayılar, müxtəlif yaradıcılıq sahələri üzrə sənət nümunələri nümayiş etdirilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər