Rəşid Behbudov adına Mahnı Teatrında Azərbaycan Gənclər İttifaqının və Azərbaycan Rəqs Assosiasiyasının birgə təşkilatçılığı ilə beynəlxalq dərəcəli rəqs müsabiqəsi keçirilib.

Kulis.az xəbər verir ki, dörd hissədən ibarət “Baku Open Dance Championship 2024” müsabiqəsində mindən çox iştirakçı müxtəlif yaş qruplarında mübarizə aparıb. Müsabiqənin birinci hissəsində gimnastik-akrobatik rəqs və “cheer dance” iştirakçıları, ikinci hissədə akademik rəqs, “show dance” və hip-hip rəqsinin iştirakçıları, üçüncü hissədə “Bollywood”, klassik hind və dünya xalq rəqslərinin iştirakçıları, dördüncü hissədə isə folklor etnik, folklor stilizasiya və “folklor show” rəqslərinin iştirakçıları yarışıblar.

Müsabiqəyə həm Bakıdan, həm də respublikamızın digər bölgələrindən, eləcə də Belarusdan iştirakçılar qatılıblar.

“Baku Open Dance Championship 2024” müsabiqəsində rəqqasların çıxışları peşəkar münsiflər – Azərbaycan Rəqs Assosiasiyasının vitse-prezidenti, Bakı Xoreoqrafiya Akademiyasının müəllimi Ülviyyə Həsənova, Azərbaycan Dövlət “Cəngi” rəqs ansamblının baş baletmeysteri Fərhad Əliyev, Əməkdar artist Fərid İbrahimov tərəfindən qiymətləndirilib.

Laureat sahibləri və qaliblər mükafatlandırılıblar.

“Baku Open Dance Championship 2024” müsabiqəsinin çempionları daha çox nominasiya üzrə qalib gələn Azərbaycanın “Qaval”, “Xəmsə”, Belarusun “Darling” və “Strekozza” komandaları olub.

Qeyd edək ki, belaruslu iştirakçılara Rəşid Behbudov adına Mahnı Teatrında Rimma İsgəndərova tərəfindən ustad dərsi keçilib.

• Rənglərdən qorxan rəssam - O, niyə hərbi təyyarələri kamuflyaj edirdi?
• "Kiçik" insana sonsuz məhəbbət... - Ziddiyyətli Remarkı niyə sevirlər?
• Heç kimin tanımadığı rəssamın şedevri - Adi səhər yeməyi necə sənət əsərinə çevrildi?