Azərbaycan Kinematoqrafçılar İttifaqının (AKİ) artıq iki ildən çoxdur ki, keçirilən “Bölgələrdə Kino Günləri” layihəsi Aran bölgəsində davam etdirilib.

Kulis.az xəbər verir ki, “Aranda Kino Günləri” başlığı altında keçirilən birinci mərhələdə Yevlax, Ucar, Zərdab, Ağdaş və Göyçay rayonlarında rejissor Mirsadıq Ağazadənin “Eviniz abad”, Aydın Aslanın “Aktyor”, Qulu Əsgərovun “Mən burdayam, İlahi!”, Emin Əfəndiyevin “Tənha insanın monoloqu” tammetrajlı bədii filmləri, Qulu Əsgərovun “Hasar”, Ruslan Ağazadənin “Balaca”, Orxan Ağazadənin “Oturacaqlar”, Teymur Qəmbərovun “Quxuroba” qısametrajlı bədii filmləri və Aynur Kazımovanın “Unudulmuş arzular”, Pərviz Həsənovun “Uşaqlıq fotosu” sənədli filmləri tamaşaçılara təqdim olunub.

Nümayişlər Yevlax Şəhər Yaradıcılıq Evi, Ağdaş, Ucar, Zərdab, Göyçay rayonlarının Heydər Əliyev mərkəzlərində baş tutub. “Eviniz abad” filminin Göyçaydakı nümayişində rejissor Mirsadıq Ağazadə də iştirak edib və tamaşaçıların suallarını cavablandırıb.

“Aranda Kino Günləri” layihəsi təkcə rayon mərkəzlərini deyil, kəndləri də əhatə edib. AKİ bu dəfə proqrama Şamil Nəcəfzadənin “İthaf”, Elçin Hami Axundovun “Güzgü”, Vahid Talıbovun “Lağım” və “Arzular…arzular” animasiya filmlərini də daxil edib.

Qeyd edək ki, “Aranda Kino Günləri”nin ikinci mərhələsi Mingəçevir şəhərində planlaşdırılır.

• Köçkün gənc ABŞ universitetinin siması seçildi
• Bakıda “Fransa kinosu günləri”
• "Bu şeirin Şəhriyara heç bir aidiyyəti yoxdur..." - “Heydərbabaya salam” necə yazıldı? - FOTO