Yazar Cəlil Cavanşirin “Ədəbiyyatın bəxtsiz və şıltaq övladları” adlı yeni araşdırma kitabı işıq üzü görüb.

Bu barədə kulis.az saytına yazar özü məlumat verib.

O, bildirib ki, mətbuatda müxtəlif layihələr çərçivəsində yazıçılar və şairlər haqqında yazdığı yazıların bir qismini kitab halında nəşr etməyə qərar verib:

“Ədəbiyyat tarixində elə yazıçılar və şairlər var ki, onların müəmmalı və qaranlıq həyatı əsrlərdir, illərdir oxucuların maraq dairəsindədir. Onların sevgiləri, iztirabları, seçimləri, qərarları, dəlilikləri və intiharları yaradıcılıqlarını çox vaxt arxa planda qoyub. Mənə görə bu insanlar ədəbiyyatın şıltaq və bəxtsiz övladlarıdır.

Təxminən 7-8 il ərzində yazıçılar və şairlər haqqında yazıların əksəriyyəti bu kitabda toplanıb.”

“Ədəbiyyatın bəxtsiz və şıltaq övladları” kitabının naşiri Müşfiq Xan, redaktoru Ələsgər Əhməddir.

Xatırladaq ki, kitab “Mücrü” nəşriyyatının maarifçiliyə dəstək və mütaliəni populyarlaşdırmaq məqsədi ilə təsis etdiyi “Bir saatda tarix” adlı yeni layihəsi çərçivəsində işıq üzü görüb.

Bu silsilədən artıq 10 kitab işıq üzü görüb.

• Məşhur aktyor saxlanıldı
• "Çubakka"nın tüfəngi rekord qiymətə satıldı
• Qəşəm Nəcəfzadə insanları belə aldadır - Nadir Yalçın