Şamxal Rüstəm yoxdur daha – Anım şeiri

Şamxal Rüstəm yoxdur daha – Anım şeiri
16 noyabr 2020
# 11:12

Bu misraları ötən il – 2019-cu il noyabrın 15-də Şamxal Rüstəmin ölüm xəbərini eşidəndə yazmışam.

Qorxmaz Şıxalıoğlu

A dostlar, eşidin, bilin:
Şamxal Rüstəm yoxdur daha.
Susdu şeir deyən dili,
Şamxal Rüstəm yoxdur daha.

Qar kimi əriyib getdi,
Ürəyi çürüyüb getdi,
Əbədi kiriyib getdi,
Şamxal Rüstəm yoxdur daha.

Bir ürək, könül qırmayan,
Dostu, tanışı yormayan,
Yaşamağı bacarmayan,
Şamxal Rüstəm yoxdur daha.

Döndü tale, çevrildi taxt,
Gün görmədi bu qarabaxt.
Getdi, gəlməyəcək heç vaxt,
Şamxal Rüstəm yoxdur daha.

Siz ey ütülü dinənlər,
Min bir yerə dürtülənlər,
Diriykən şeiri ölənlər,
Şamxal Rüstəm yoxdur daha.

Girib şeirinin böyrünə,
Oğurlayın ondan yenə.
İnanmayın geri dönə,
Şamxal Rüstəm yoxdur daha.

Dağ yerində, çay yerində,
Göydə Günəş, Ay yerində,
Qış yerində, yay yerində,
Şamxal Rüstəm yoxdur daha.

O bir gızıl söz külçəsi,
Heç vaxt gəlməyəcək səsi.
Ata-ananın bircəsi
Şamxal Rüstəm yoxdur daha.

Ayaq basmaz məclislərə,
Getməz daha xeyrə, şərə.
Axtarmayın əbəs yerə,
Şamxal Rüstəm yoxdur daha.

15.11.2019

# 3699 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
#
#
# # #