Rejissor Aleksandr Sokurovun Putinə verdiyi sual Çeçenistan Prezidenti Ramzan Kadırovun qəzəbinə səbəb olub.

Kulis.az rus mediasına istinadla xəbər verir ki, Sokurov tərdbirlərin birində Putindən Çeçenistanda əməliyyat zamanı ölən Pskov desantlarına da, Kadırovun atasına da Rusiya Qəhrəmanı adı verilməsini başa düşmədiyini deyib və bunula bağlı izahat verməsini istəyib.

Atasıyla bağlı fikirdən qəzəblənən Kadırov bu haqda "Telegram"da sərt fikirlər yazıb.

Kadırov statusunda Sokurovun çeçen xalqına hörmətsizlik etdiyini vurğulayıb:

"Biz olmasaydıq, o və onun kimi tiplər çoxdan ölkədən qaçar və bir təpə arxasına sığınıb Rusiyaya hürər, dövləti məhv etmək üçün alçaqcasına çalışardılar".

Kadırov onu da qeyd edib ki, Sokurov yalnız özünü piar etmək naminə Pskov desantlarına dil uzadır:

"Əhməd Kadırov bacarıqlı siyasəti sayəsində yaraqlıları tərk-silah etməyi bacarıb, bu da federal qoşunların itkilərini xeyli azaldıb. Bir çox insan Əhməd Kadırovun gərgin əməyi sayəsində xilas olub. Siz Rusiyanın bütövlüyünü və ölkənin cənubundakı sabitliyi qorumaq üçün qurban verilən minlərlə insan həyatının qiymətini başa düşmürsünüz?", deyən Kadırov Sokurova müraciət edib.

Kadırov əlavə edib ki, Sokurovun özünün şəxsi fikri yoxdur, o, başqalarının iradəsini yerinə yetirir və onların tapşırığı əsasında suallar verir. O, Sokurova "kukla ustasının əlindəki oyuncaq" ilə müqayisə edib. "İnsan olun, vətənpərvər olun, kiminsə əlində oyuncaq olmayın" deyib.

• "Anam yaza biləcəklərinin yüzdə birini də yaza bilmədi" - Nigar Rəfibəylinin görünməyən taleyi
• İlin ən qeyri-adi kitabı seçildi - Nüfuzlu ədəbiyyat mükafatı sahibini tapdı
• "Tarix həmişə qaliblər tərəfindən yazılır..." - Den Braundan aforizmlər