Millət vəkili Etibar Əliyev Xalq yazıçısı Çingiz Abdullayevin məlum yazısı ilə bağlı fikirlərini bölüşüb. O, özünün Fb hesabında polemik fikirlər paylaşaraq yazıb:

“Çingiz Aytmatovla Çingiz Abdullayevin romanlarının janrları başqadır. Çingiz Aytmatovun əsərləri dünya durduqca oxunacaq. Çingiz Abdullayevin əsərləri isə 3 gündən sonra unudulur. Bu, onun özündən və bizdən asılı deyil. Detektiv janrı tam çöküşə uğrayıb. Detektivi hansı dildə yazırsan, yaz, tərcüməsi də çox asandır. Ancaq Aytmatovun "Tavro Kasandra"sını tərcümə etmək hər tərcüməçinin işi deyil. Abdullayevin bundan sonra intervüləri və dialoqları maraqlı ola bilər. Bəlkə də ən çox detektiv oxuyanlardan biri mən olmuşam. 10 il bundan əvvəl bu janrda olan 100-lərlə kitabları; hətta Çeyzin, Qardnerin, Stautun, Makdonaldın, Ladlemin, Aqata Kristinin, Forsaytın, Şeldonun və ən nəhayyət hörmətli Çingiz müəllimin əsərlərini Bukinistə hədiyyə etmişəm. Elə bilirəm ki, Aytmatov "И дольше века длится день" adlı şah əsərini Azərbaycan dilində yazıb. Detektiv isə makulaturadır...

Çingiz Hüseynova gəldikdə isə elə bilirəm ki, onu da öz dilimizdə oxuyram.”

• Yaxşı ki, varsınız, yaxşı ki, varıq! - Yazıçılar "Kulis"i belə təbrik etdi
• Paulo Koelyo, Şahbaz Xuduoğlu və üç nöqtə - Firidun Ağazadə
• Elməddin Cəfərov: "Heç vaxt qadın paltarı geyinmərəm" - Müsahibə