İkinci dalğa pandemiya təhlükəsi – Diqqətli olmalıyıq!

İkinci dalğa pandemiya təhlükəsi – Diqqətli olmalıyıq!
30 aprel 2020
# 11:57

Çində meydana gələn koronavirus epidemiyası demək olar dünyanı işğal edib. Baxmayaraq ki, bir çox ölkələr karantin rejimində yumşalma sisteminə keçid alıb.

Mütəxəssislər, həkimlər isə ikinci dalğadan ehtiyat edir. Əgər koronavirus pandemiyası ikinci dəfə güclü şəkildə yayılsa bunun qarşısını almaq çox çətin olacaq. Ona görə, insanlar tövsiyə olunan gigiyenik, sanitar qaydalara mütləq riayət etməlidir.

Karantin yumşalan kimi cəmiyyət olaraq sevgimizi gizlədə bilmirik. Həyata, avtobusa, küçələrə, parklara, ağaclara olan sevgimizi... Vəziyyət bir az yumşalan kimi cəmiyyətin əksər təbəqəsindən olan insanlar sanki məsuliyyət hisslərini itiriblər. Biz hələ koronavirus zillətindən tamamilə xilas olmamışıq axı.

Keçən gün şəhərə çıxmalı oldum. Elə də dəyişən bir mənzərə ilə qarşılaşmadım. Yollarda tıxac, avtobusların içi dolu...

Niyə sosial məsafəni qorumaq istəmirik?

Bəlkə insanlar bir-biri üçün çox darıxıb?

Darıxmaq başadüşüləndir. Amma gərək içimizdəki sevinci, marağı boğaq, ona güc gələk. İctimai yerlərdə spirtdən istifadəni unutmayaq, maska taxaq, əllərimiz tez-tez yuyaq. Bütün bunları qaydasında etsək, bu zillətdən birdəfəlik azad olarıq. O zaman lap küçədə fləşmob da keçirmək olar. Doyunca qucaqlaşarıq. Bəşəriyyətə sülh, sevgi, həmrəylik mesajı ötürərik. Bu günün gəlməsinə kimi səbrlə, əzmlə gözləməliyik.

Mütəmadi olaraq bu prosesi sosial şəbəkələrdən, mətbuatdan izləyirəm. Karantin tam bitəndən sonra da arxayın düşməməliyik.

Sözümün sonunda virus sahəsində ixtisaslaşmış azərbaycanlı həkim Turanə Rəsulovanın Bakıdakı çıxışından bir sitat gətirim:

“Azərbaycanda, eləcə də bütün dünyada koronavirus yenidən daha pis formada baş qaldıra bilər. Odur ki, insanlar mütləq qaydada qoyulan bütün tələblərə əməl etməlidir.”

Biz ən azı bir il özümüzü və bütün dünyanı qorumalıyıq.

# 4216 dəfə oxunub

Oxşar xəbərlər

Bədii Şuranın növbəti iclası keçirildi

Bədii Şuranın növbəti iclası keçirildi

10:47 30 aprel 2025
Filmimiz Beynəlxalq Film Festivalında

Filmimiz Beynəlxalq Film Festivalında

10:45 30 aprel 2025
Məşhur müğənni vəfat etdi

Məşhur müğənni vəfat etdi

10:16 30 aprel 2025
Leyla Əliyeva və Arzu Əliyeva Türk Mədəniyyəti və İrsi Fondunda

Leyla Əliyeva və Arzu Əliyeva Türk Mədəniyyəti və İrsi Fondunda

10:00 30 aprel 2025
Bəstəkarımız beynəlxalq layihədə

Bəstəkarımız beynəlxalq layihədə

09:40 30 aprel 2025
“Türk Mədəniyyəti və Dili Günü” Parisdə

“Türk Mədəniyyəti və Dili Günü” Parisdə

09:15 30 aprel 2025
#
#
# # #