Bu gün saat 21:15-də “Mədəniyyət” kanalında Azərbaycan Silahlı Qüvvələrinin kapitanı, aprel şəhidi Mühüd Orucova həsr edilmiş “Vətən borcu” sənədli filmi nümayiş̧ olunacaq.

Mənəvi Dəyərlərin Təbliği Fondunun sifarişi ilə çəkilmiş “Vətən borcu” adlı filmdə şəhid kapitan Mühüd Orucovun həyat və döyüş̧ yolundan bəhs olunur.

Filmin ideya və ssenari müəllifi Afət Telmanqızıdır.

Qeyd edək ki, bu gün Mühüd Orucovun doğum günüdür. O,

1984-cü il iyulun 13-də Qazax rayonunun Fərəhli kəndində anadan olub. Təhsilini əvvəlcə C.Naxçıvanski adına Hərbi Liseydə, daha sonra Heydər Əliyev adına Ali Hərbi Məktəbdə alıb, qoşun kəşfiyyatı ixtisasına yiyələnib.

“N” saylı hərbi hissədə kəşfiyyat bölüyünün kəşfiyyat tağımı komandiri vəzifəsindən Xüsusi Təyinatlı Qüvvələrin kəşfiyyat taboru komandiri vəzıfəsinə qədər şərəfli yol keçib. Ali Baş Komandan və Müdafiə naziri tərəfindən bir çox orden və medallarla təltif olunan kapitan Orucov 2016-cı il aprelin 2-də Azərbaycanın ərazi bütövlüyü uğurunda gedən döyüşlərdə qəhrəmancasına şəhid olub.

Mühüd Orucov göstərdiyi qəhrəmanlığa görə ölümündən sonra ölkə başçısının Sərəncamı ilə “İgidliyə görə” medalına layiq görülüb. /azertag.az/

• Sosiologiyasız cəmiyyətin molla filosofları
• Anar: "Meyxanaçılar AYB-yə üzv olmaq istəyirlərsə..."
• Moskvada Müslüm Maqomayevin xatirəsi anılıb