Azərbaycanda səs yarışmasının finalı təxirə salındı

Azərbaycanda səs yarışmasının finalı təxirə salındı
11 aprel 2020
# 14:27

Nazirlər Kabineti yanında Operativ Qərargahın ölkə ərazisində pandemiya səbəbilə kütləvi tədbirlərin təxirə salınması və ya vaxtının dəyişdirilməsi çağırışına əsasən İctimai Televiziya və Radio Yayımları Şirkəti bir sıra layihələrin efir vaxtlarında dəyişiklik edib. Belə ki, İTV-nin sevilən mahnı müsabiqəsi “Səs uşaqlar” layihəsinin aprel ayında canlı olaraq yayımlanması nəzərdə tutulan final turunun da vaxtı sosial izolyasiya tədbirləri ilə bağlı dəyişdirilib.

İTV-dən bildirilib ki, final mərhələsi yaxınlaşdığı üçün yüzlərlə musiqi həvəskarı “Səs uşaqlar” şousunda tamaşaçı qismində iştirak etmək üçün kanala müraciətlər edib. Lakin ölkədə aparılan sosial izolyasiya tədbirləri ilə bağlı insanların sağlamlığını düşünərək qurum rəhbərliyi tərəfindən kütləvi auditoriyalı verilişlərin format və vaxtlarında dəyişiklik edilib. Final mərhələsinin keçirilmə tarixi karantin rejimi ləğv edildikdən sonra təyin olunacaq və bu barədə ictimaiyyətə məlumat veriləcək.

Qeyd edək ki, İTV 2019-cu ildə “Talpa Global B.V” ilə müqavilə imzalayaraq dünyada milyonlarla tamaşaçı auditoriyası olan məşhur "Səs” (The voice) mahnı müsabiqəsinin Azərbaycanda yayım hüququ lisenziyasını əldə edib. Müsabiqəyə ilk olaraq uşaqlarla “Səs uşaqlar” adı ilə start verilib. Verilişin komandası Azərbaycanın bölgələrində və Bakıda 400-dən çox uşağın kastinqini təşkil edib, kastinqdən keçən iştirakçılar “görmədən seçimlər” mərhələsində ustadlara öz istedadlarını nümayiş etdiriblər. Üç ustadın seçdiyi 45 nəfərin qarşıdurmasından 15 iştirakçı növbəti mərhələyə keçə bilib, həmin mərhələnin yekunu olaraq isə 6 nəfər layihənin finalında iştirak etmək hüququ qazanıb.

İctimai Televiziya “Səs uşaqlar”ın final turundan dərhal sonra “Səs” mahnı müsabiqəsinin böyüklər üçün nəzərdə tutulan layihəsinə start verəcək və bu məqsədlə seçim turları keçirəcək.

# 2271 dəfə oxunub

Oxşar xəbərlər

"Bütün anaların gözü o qapıda qalmışdı... " - "Açar"ın təqdimatından reportaj

"Bütün anaların gözü o qapıda qalmışdı... " - "Açar"ın təqdimatından reportaj

15:00 29 aprel 2025
Bir nəslin həyatını alt-üst edənlər kimlərdir? - Rəvan Cavid

Bir nəslin həyatını alt-üst edənlər kimlərdir? - Rəvan Cavid

14:33 29 aprel 2025
"Mayami Vice"  yenidən çəkiləcək

"Mayami Vice" yenidən çəkiləcək

13:40 29 aprel 2025
Ölkəmiz Özbəkistanda Qran-pri mükafatını qazanıb

Ölkəmiz Özbəkistanda Qran-pri mükafatını qazanıb

13:35 29 aprel 2025
Kann Film Festivalının münsiflər heyəti açıqlanıb

Kann Film Festivalının münsiflər heyəti açıqlanıb

12:10 29 aprel 2025
"Peaky Blinders" serialı ekranlara qayıdır

"Peaky Blinders" serialı ekranlara qayıdır

11:45 29 aprel 2025
# # #