Avstriyada Azərbaycan Mədəniyyəti Günləri başlayıb

Avstriyada Azərbaycan Mədəniyyəti Günləri başlayıb
29 may 2021
# 17:19

Avstriyanın Baden şəhərində Azərbaycan Xalq Cümhuriyyətinin yaradılmasının 103-cü ildönümü münasibətilə Azərbaycan Mədəniyyəti Günlərinin açılışı olub.

Kulis.az xəbər verir ki, Azərbaycan Mədəniyyət Mərkəzi və Baden Şəhər Bələdiyyəsinin birgə təşkil etdiyi mədəniyyət günlərinin ilk konserti Baden Konqres salonunda baş tutub.

Konsertdən əvvəl giriş sözü ilə çıxış edən Baden Şəhər Mədəniyyət İdarəsinin rəhbəri Hans-Qerd Ramaxer bildirib ki, təmsil etdiyi şəhərlə Azərbaycan arasında mədəniyyət sahəsində əməkdaşlıq artıq ənənə halını alıb. Baden şəhərində Azərbaycan musiqisinə böyük həvəsin olduğunu bildirən H.-Q. Ramaxer koronavirus pandemiyası ilə əlaqədar mədəni tədbirlərinin bərpasından sonra ilk konsertin Azərbaycana həsr olunmasını da təsadüfi olmadığını diqqətə çatdırıb.

Mədəniyyət günləri çərçivəsində ilk konsertdə Əməkdar artist Şəhriyar İmanovun rəhbərliyi ilə trio çıxış edib. Konsertdə Azərbaycan xalq və bəstəkar mahnıları, eləcə də Avropa bəstəkarlarının əsərləri etno-caz üslubunda ifa olunub.

Qeyd edək ki, Mədəniyyət Günləri çərçivəsində gənc və istedadlı pianoçu Etibar Əsədli solo konsertlə, eləcə də Şəhriyar İmanov triosu ilə konsertlər verəcək. Mədəniyyət Günlərinin yekun konserti isə Azərbaycan bəstəkarlarının əsərlərindən ibarət klassik konsert proqramı ilə yekunlaşacaq. Konsertdə Əməkdar artist, “Qızıl çinar” beynəlxalq mükafatı laureatı Fuad İbrahimovun dirijorluğu ilə Vyana Kamera Orkestri çıxış edəcək, solistlər arasında Avstriyada yaşayan gənc Azərbaycan musiqiçiləri Mərziyyə Hüseynova (soprano), Orxan Cəlilov (tenor), Jalə Rəsulova (fortepiano) yer alacaqlar.

# 1916 dəfə oxunub

Oxşar xəbərlər

Pezeşkian Bakıda bu şeiri dedi - Video

Pezeşkian Bakıda bu şeiri dedi - Video

20:53 28 aprel 2025
"Baku Flames Beynəlxalq Yaradıcılıq və Effektivlik Festivalı" keçiriləcək

"Baku Flames Beynəlxalq Yaradıcılıq və Effektivlik Festivalı" keçiriləcək

18:30 28 aprel 2025
"The Mayhem Ball" başladı

"The Mayhem Ball" başladı

16:35 28 aprel 2025
İranla qarşılıqlı mədəniyyət günləri keçiriləcək

İranla qarşılıqlı mədəniyyət günləri keçiriləcək

16:15 28 aprel 2025
Bahəddin Həzi - 60

Bahəddin Həzi - 60

14:30 28 aprel 2025
Heydər məscidinə memarlıq abidəsi statusu verildi

Heydər məscidinə memarlıq abidəsi statusu verildi

14:15 28 aprel 2025
# # #