“Var ucuz ölüm, var çox ucuz ölüm. Cibindən pul verib, çox ucuza alına bilən ölüm kimi məsələn...”

Bu sözləri narkotik maddələrə aludə olan gənclərlə bağlı aktyor-ssenarist Taleh Yüzbəyov öz feysbuk hesabında yazıb. O, daha sora əlavə edib:

“Küçədə gedəndə yəqin sizə də arıq, rəngi solmuş, damaqları qaralmış, dərisində yaralar olan cavan qız və ya oğlanlar yaxınlaşıb. Hərəsi bir bəhanə ilə pul istəyir. Kimisi yolda qalıb, kimisi acdır, kimisi isə guya dərman alacaq. O "dərman" isə sən demə, ən ucuz və ölümcül narkotik imiş. Ona gah "şüşə" deyirlər, gah "patı", gah da nə bilim nə. Və bu cür adamlar axır vaxtlar həddindən artıq çoxdur. Bilmirəm, o vasitələri kim gətirir, necə satır, amma bunun qarşısı alınmalıdır. Mütləq şəkildə qarşısı alınmalıdır Böyük bir nəsil aludəçi yaranıb artıq. Biz uşaq olanda "Narkomaniya bəladır" adı altında tədbirlər keçirilirdi, rəsmlər çəkirdik və s. İndi bu vasitələr effektiv deyil. Hətta adı da gülməli gəlir artıq. Nəsə bir yeni formada hələ həyatı dadmamış uşaqlara o zəhrimarı dadmaqdan çəkindirmək lazımdır. Saat əqrəbləri gələcəyimiz üçün tərsinə getməyə başlayıb artıq”.

• "Ayaz Salayevin rus dilindən başqa heç nəyi yoxdur" - Şərif Ağayar
• "Kurtlar vadisi"nin rejissoru Osman Sınav vəfat etdi
• Musiqili Teatrın aktyoru reanimasiyaya yerləşdirilib