AYB üzvləri qəzet və jurnalların redaksiya heyətinə qəbul ediliblər

AYB üzvləri qəzet və jurnalların redaksiya heyətinə qəbul ediliblər
26 dekabr 2019
# 13:42

Yazıçılar Birliyinin Gənclər Şurasının üzvləri AYB-nin bir neçə mətbu orqanının redaksiya heyətinə üzv qəbul ediliblər.

Kulis.az-ın verdiyi xəbərə görə, şuranın sədri Fərid Hüseyn "Ədəbiyyat” qəzetinin, Şuranın müavini Cavid Zeynallı "Ulduz” jurnalının, Ramil Əhməd və Günel Şamilqızı isə "Dünya ədəbiyyatı” dərgisinin redaksiya heyətinə üzv qəbul ediliblər. Qeyd edək ki, növbəti mərhələdə Şuranın başqa nümayəndələrinin də digər mətbu orqanlara üzv edilməsi nəzərdə tutulur.

Fərid Hüseyn Gənclər Şurasının fəaliyyəti barədə açıqlamasında qeyd edib: "Biz istəyirik ki, Azərbaycan Yazıçılar Birliyinin Gənclər Şurası olaraq aktiv fəaliyyət göstərək. Redaksiyalara yeni üzv olan gənc qələm sahibləri çoxdandır ki, həmin qəzet və jurnallarla fəal əməkdaşlıq şəraitində çalışırdılar. Bizə etimad göstərən qəzet və jurnalların baş redaktorlarına minnətdarlığımızı bildiririk.

Bu günlərdə Bakı Mühəndislik Universitetində dahi ədib Məhəmməd Hadiyə həsr olunmuş müzakirə-seminar keçirdik. Şuranın üzvləri Günel Şamilqızı, Fuad Cəfərli və mən həmin tədbirdə iştirak etdik. Yeni ildə "Azərikitab”da "Dünya ədəbiyyatı nədir?” mövzusunda maraqlı bir tədbir keçirəcəyik. Tədbir ustad dərsi şəklində nəzərdə tutulub. Eyni zamanda ayda bir dəfə müxtəlif ədəbi məsələlər və kitablar haqqında müzakirə saatları təşkil etməyi planlaşdırmışıq.

Bundan başqa, Gənclər Şurasının üzvlərindən bir neçəsinin kitabı Türkiyə türkcəsində işıq üzü görəcək. Artıq əsərlərin redaktə və tərcümə prosesi başlayıb. Gələn il "Ulduz” jurnalının bir sayını bütövlükdə Gənclər Şurası çapa hazırlayacaq və bu nömrə poeziyaya həsr ediləcək. Artıq gənclərin əsərləri adıçəkilən jurnala təhvil verilib.

Şuranın 21 üzvü var. Biz ədəbi yaradıcılıqla məşğul olan gənclərlə də əməkdaşlıq edirik və bu proses gələcəkdə daha geniş vüsət alacaq”.

# 1690 dəfə oxunub

Oxşar xəbərlər

Orxan Fikrətoğlu:  "Mən ruhumu satmamışam, amma ailəmi dolandırmalıyam" - Müsahibə

Orxan Fikrətoğlu: "Mən ruhumu satmamışam, amma ailəmi dolandırmalıyam" - Müsahibə

17:00 9 aprel 2025
IX Muğam Televiziya Müsabiqəsinin seçim mərhələsi başlayıb

IX Muğam Televiziya Müsabiqəsinin seçim mərhələsi başlayıb

15:59 9 aprel 2025
"Ömürlük müvəffəqiyyət mükafatı"nı o alacaq

"Ömürlük müvəffəqiyyət mükafatı"nı o alacaq

15:12 9 aprel 2025
Faşistlərdən gizlədilmiş xəzinə tapıldı

Faşistlərdən gizlədilmiş xəzinə tapıldı

14:00 9 aprel 2025
Məşhur aktyor həbsxanadan gizli çıxarılıb

Məşhur aktyor həbsxanadan gizli çıxarılıb

13:13 9 aprel 2025
Bolonyada “Vətən müharibəsi tarixi – Şəxsiyyət faktoru” kitabının təqdimatı keçirilib

Bolonyada “Vətən müharibəsi tarixi – Şəxsiyyət faktoru” kitabının təqdimatı keçirilib

12:20 9 aprel 2025
# # #