Vüsalə Mahirqızı: “Kulis.az” layihəsi uğurlu alınıb

Vüsalə Mahirqızı: “Kulis.az” layihəsi uğurlu alınıb
19 avqust 2011
# 12:32
Avqustun 18-də “İrəli” İctimai Birliyi Media Akademiyası layihəsinin tələbələri APA agentliyinin qonağı olublar.

APA-nın məlumatına görə, gənc jurnalistlər agentliyin baş direktoru Vüsalə Mahirqızı ilə görüşüblər. V. Mahirqızı Media Akademiyasının üzvlərinə APA-nın yaranma tarixi, strukturu, iş prinsipləri, xəbərin hazırlanması formaları, informasiyanın cəmiyyətə çatdırılmasında müasir texnologiyaların tətbiqi, agentlik çərçivəsində reallaşdırılan layihələr, gələcək planlar barədə geniş məlumat verib.

APA-nın Azərbaycanın ən yeni mətbuat tarixində bir sıra ilklərə imza atdığını deyən Vüsalə Mahirqızı bu prosesin davam edəcəyini vurğulayıb.

Vüsalə Mahirqızı yeni layihələri olan kulis.az haqda da tələbə-jurnalistlərə məlumat verib: “Əminəm ki, Azərbaycanda Nobel mükafatını ala biləcək səviyyədə yazarlar var. Biz də düşündük ki, bu cür gəncləri bir araya gətirmək, bir ocaq yaratmaq lazımdır. “Kulis.az”ı da məhz bu məqsədlə yaratdıq. Hesab edirəm ki, “kulis.az” layihəsi uğurlu alınıb. Bu saytda biz yeni ədəbiyyat nümunələrini, tərcümələri və s. nəşr etdiririk. Özünə güvənən hər kəsə kulis.az-da meydan veririk. Bizdə heç bir yazara senzura, məhdudiyyət yoxdur”.

APA-nın baş direktoru gələcək planları haqda da danışıb: “Biz internet televiziya yaratmağı düşünürük. Sadəcə bu televiziya ənənəvi televiziyalardan fərqli olmalıdır. Onsuzda insanlar şou verilişlərini televiziyalarda izləyirlər. İnternet televiziyalar daha çox canlı yayımlar gerçəkləşdirməlidir. Əgər belə olsa əminəm ki, hər kəs internet televiziyaları izləyəcək”.

Sonda Vüsalə xanım tələbələrə gələcək fəaliyyətlərində uğurlar arzulayıb, onları peşəkar jurnalist kimi görmək istədiyini deyib. “İrəli” Media Akademiyası layihəsinin rəhbəri Hacıbəy Heydərli də öz növbəsində səmimi görüşə görə Vüsalə xanıma təşəkkür edib.

Xatırladaq ki, Media Akademiya alternativ jurnalistika – peşə kursu formatında fəaliyyət göstərir. Akademiyanın tərkibində fəaliyyət göstərən “İRadio”da, “İRƏLİ Prodakşn”da gənclər arzusunda olduqları layihələri gerçəkləşdirmək, ölkənin irəlidə gedən xəbər agentlikləri, qəzetləri, radio və televiziyalarında staj keçmək, jurnalistikanın bütün sirlərini sektorun tanınmış simalarından öyrənmək imkanı əldə edəcəklər.
# 2813 dəfə oxunub

Oxşar xəbərlər

"Dirilmə günü" - Pasxa bayramı

"Dirilmə günü" - Pasxa bayramı

18:00 29 mart 2025
İlon Mask “X”i 33 milyard dollara  satdı

İlon Mask “X”i 33 milyard dollara satdı

16:49 29 mart 2025
Zakir Əliyev:  “Teymur Əmrah yaxşı sənətkardır, amma…”

Zakir Əliyev: “Teymur Əmrah yaxşı sənətkardır, amma…”

15:44 29 mart 2025
Aktyora “Bakı Metropoliteni”ndə yüksək vəzifə verildi

Aktyora “Bakı Metropoliteni”ndə yüksək vəzifə verildi

13:48 29 mart 2025
Sonralar heç yerdə rast gəlmədim o sirli-əsrarlı ayinə... - Mübariz Örən

Sonralar heç yerdə rast gəlmədim o sirli-əsrarlı ayinə... - Mübariz Örən

14:46 28 mart 2025
Maradonanın gözləri - Qismət Rüstəmov

Maradonanın gözləri - Qismət Rüstəmov

13:00 28 mart 2025
#
#
# # #