"Birinci Qarabağ müharibəsi" olmayıb – Çingiz Abdullayev yazır...

"Birinci Qarabağ müharibəsi" olmayıb – Çingiz Abdullayev yazır...
27 sentyabr 2021
# 12:53

Kulis.az Xalq yazıçısı Çingiz Abdullayevin Vətən müharibəsi haqda özünün feysbuk hesabında etdiyi paylaşımı Azərbaycan dilinə çevirərək təqdim edir.

Sentyabrın 27-də Azərbaycan xalqının öz torpaqlarını azad etmək uğrunda Vətən savaşı başladı. Mən "Birinci" və "İkinci Qarabağ savaşı" terminlərinin əleyhinəyəm. "Birinci Qarabağ müharibəsi" olmayıb.

Müharibə iki dövlətin orduları arasında silahlı konfliktə deyilir. Bu isə sadəcə yox idi! Sovet süquta uğradığı vaxtda bizim sadəcə xalqın özünün müdafiə məqsədli yaratdığı könüllülər dəstəsi var idi. Qonşularımızın isə yetərincə sayda hazırlıqlı zabitləri olsa da, keçmiş sovet komandirlərinə pul ödəyərək onların texnika, hətta canlı qüvvəsindən istifadə edirdilər.

Xocalıda da belə olmuşdu. Bir çox digər rayonlarımızın işğalı zamanı da belə olmuşdu. Qonşular ölkəmizin daxilində hakimiyyətə can atan qüvvələrin məqsədli şəkildə yaratdığı xaosdan istifadə edirdilər. Həmin savaşda biz böyük torpaqlar itirdik, ancaq onlar qalib gələ bilmədi. Biz qonşularımızın Azərbaycan torpaqlarını işğal etmək üçün başlatdığı həmin alçaq və ədalətsiz savaşı uduzduq.

O zaman ölkəmizin biryolluq dağılmasının qarşısını situasiyanı düzgün qiymətləndirmiş Heydər Əliyevin müdrikliyi aldı.

Ötən il isə torpaqlarımızın azad olunması ilə nəticələnən müharibə başladı. Bu müzəffər savaşa Heydər Əliyevin oğlu İlham Əliyevin başçılıq etməsi də simvolikdir.

Və artıq bu müharibədə təcavüzkar yaranmış vəziyyətlə barışmayan xalq və onun ordusu ilə üz-üzə gəldi. Ən vacib fakt isə odur ki, bu müharibədə şəhid olan, yaralanan gənclərin demək olar heç biri işğal edilmiş o torpaqları görməmişdi. Onlar Şuşanı, Ağdamı, Laçını və digər rayonları görməmişdi. Ancaq onlar öz Vətəni, öz torpaqları, xalqının şərəf və ləyaqəti uğrunda savaşa getdilər.

Azərbaycan xalqı 44 günlük müharibənin yekununda göstərdi ki, öz azadlığı və müstəqilliyi uğrunda savaşmağa hazırdır!

# 3305 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
# # #