Kulis.Az “Əlvida, Cənub şəhəri” (2006) filminin musiqisini təqdim edir. Filmin rejissoru Oleq Səfərəliyev, ssenari müəllifi Rüstəm İbrahimbəyovdur.
“Yağış” adlanan mahnının musiqisi Mehriban Zəkinin, sözləri Ramiz Rövşənindir.
"Yağış yuyur, gün qurudur"
Bu yerləri, bu göyləri
Yağış yuyur, gün qurudur.
Bu dünyada çox şeyləri
Yağış yuyur, gün qurudur.
Gözümüzün yaşını da,
Bağrımızın başını da,
Qəbrimizin daşını da
Yağış yuyur, gün qurudur.
Gələn nədir, gedən nədir?
Bələk nədir, kəfən nədir?
Bu dünya öz kefindədir,
Yağış yuyur, gün qurudur.
... Ulduzların tozunu da,
Lap günəşin özünü də,
Lap yağışın özünü də
Yağış yuyur, gün qurudur...
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
