Piyer Paolo Pazoli, Bernardo Bertoluççi və Lukino Viscontinin filmlərinin ulduzu Adriana Asti 94 yaşında vəfat edib
Kulis.az xəbər verir ki, o, Romadakı “Villa Salaria” klinikasında vəfat edib.
Asti təxminən iyirmi gün həmin klinikada müalicə almışdı.
Aktrisanın dəfn mərasimi avqustun 1-də Roma şəhərində, "Piazza del Popolo" meydanındakı Dei-la-Fitr kilsəsində keçiriləcək.
Onun kino sahəsində debütü 1950-ci illərin sonunda Leopoldo Triestenin “Gecə şəhəri” filmində olub. Dostu Piyer Paolo Pazolininin filmində — 1961-ci ildə çəkilən “Akkattone”də o, Amore adlı fahişə obrazını canlandırıb. İlk həyat yoldaşı Bernardo Bertoluççinin “Iİnqilab öncəsi” (1964) filmində baş qəhrəmanın xalasını, Tinto Brassın “Kaliqula” (1979) filmində isə Ennia Trasillanı canlandırıb.
Aktrisa bir müsahibəsində deyirdi:
“Bütün rejissorlarım möhtəşəm idi, hətta Tinto da tamamilə cazibədar idi. Lukino məni səhnədə tamamilə lüt göstərdi, Tinto Brass isə dərhal bu fürsətdən istifadə etdi.”
Ümumilikdə, Adriana Asti 60-a yaxın filmə çəkilib. Onun sonuncu ekran işi Marko Tullio Ciordananın 2018-ci ildə çəkdiyi “Qadının adı” filmidir. Burada o, təqaüddə olan keçmiş aktrisa rolunda çıxış edib.
Uzun və zəngin karyerası ərzində o, bir çox mükafata layiq görülüb: 1974-cü ildə xüsusi “David” mükafatı, İtaliya Kinojurnalistləri Milli İttifaqının üç “Gümüş Lenta” mükafatı və 2015-ci ildə xüsusi “Gümüş Lenta” mükafatı ilə təltif edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
