Çingiz Aytmatovun romanlarındakı səhnələr keçə üzərində

Çingiz Aytmatovun romanlarındakı səhnələr keçə üzərində
31 iyul 2025
# 11:46

Çingiz Aytmatovun romanlarındakı səhnələr keçə üzərində sənət əsərinə çevrilir.

Kulis.az xəbər verir ki, qırğızıstanlı sənətkar Svetlana Şeişeeva Çingiz Aytmatovun əsərlərindən ilham alaraq ənənəvi keçə sənəti ilə tablolar yaradır.

Onun bu əsərləri İstanbulda Böyükçekmece Bələdiyyəsinin təşkil etdiyi 26-cı Beynəlxalq Mədəniyyət və Sənət Festivalında "Əməyi sevgiylə yaradan əllər" adlı beynəlxalq əl sənətləri sərgisində nümayiş etdirilib.

Sənətkar uşaqlıq illərindən etibarən Çingiz Aytmatovun kitablarını oxuduğunu bildirib: "Çingiz Aytmatov bizim üçün böyük bir insandır. Hər kəs onun əsərlərini tanımalıdır. Onun kitablarında fotoşəkil görmək mümkün deyil, amma fikirlərini çatdırmaq üçün keçə ilə tablolar yaratdıq. Aytmatovun kiçik oğlu və gəlini əsərlərimi gördükdə çox bəyəndiklərini söylədilər."

Daha əvvəl yazıçının "Ağ gəmi","Torpaq Ana" və "Əlvida, Gülsarı" əsərləri üzərində keçə ilə işləmiş olduğunu qeyd edən Şeişeeva Aytmatovun doğumunun 100 illiyi münasibətilə, 2028-ci ilə qədər onun əsərlərindən ilham alaraq keçə ilə böyük tablolar yaratmağı planlaşdırdığını bildirib.

Qırğızıstanda keçə sənəti və xüsusən də Çingiz Aytmatovun əsərləri ilə maraqlanan çox sayda insanın olduğunu ifadə edən sənətkarın əsərləri Çingiz Aytmatov Muzeyində də sərgilənəcək.

Qırğızıstanda əsrlərdir davam edən keçəçilik sənəti, köçərilik mədəniyyətinin ən vacib simvollarından biri olaraq qalır.

Xüsusilə ənənəvi çadırların hazırlanmasında istifadə edilən keçələr, təbii yunun isti su və təzyiqlə işlənməsi ilə əldə edilir. Ənənəvi naxışlarla bəzədilən bu keçələr, həm estetik, həm də funksional xüsusiyyətləri ilə diqqət çəkir.

UNESCO-nun Qeyri-maddi Mədəni İrs Siyahısında yer alan keçəçilik sənəti qadın ustalar tərəfindən nəsildən-nəslə ötürülür.

Qırğız xalqı keçəni yalnız ev əşyaları üçün deyil, həm də geyim, xalça və hədiyyə əşyaları hazırlamaq üçün istifadə edir.

Qeyd edək ki, on illərdə açılan emalatxanalar və təşkil edilən festivallar sayəsində kəçə sənəti həm turizmə, həm də yerli iqtisadiyyata töhfə verir.

# 1864 dəfə oxunub

Oxşar xəbərlər

Cadugərliyin faciələrlə dolu  tarixi... - 300 il ərzində əlli min qadın niyə yandırılmışdı?

Cadugərliyin faciələrlə dolu tarixi... - 300 il ərzində əlli min qadın niyə yandırılmışdı?

14:00 22 noyabr 2026
Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

Atatürkün dəfnində Azərbaycan Xalq Cümhuriyyətinin iki naziri vardı – Onlar kim idi?

10:00 22 noyabr 2026
Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Ana səhifə Reels Yazarlar Xəbərlər