Yaşıl
Lamiyə Mərdan
Bakıda
- "Rasim Balayev 26 yaşında 48-50 yaşlı Nəsimini ifa etmişdi" - Sevda Sultanova
- 19 yaşlı erməni 40 yaşlı Axundova sifariş verə bilərdimi? - İttihama cavab
- Şahzadə Frederik 22 yaşında vəfat etdi
ölmüş balıqların
uzaq sahillərində
yaşıl gözlü
qocadan
tək fərqin
gözlərinin rəngidi.
hər gün
eyni saatda günəş batar,
külək əsər bu şəhərdə.
yalnızlara
şəhərin fərqi olmaz.
insanın fərqi olar.
dünyanın ən uzaq nöqtəsində
kimdənsə şərqdəsən,
kimdənsə qərbdə.
Coğrafiyanın mərkəzini itirib
çökəklikdə batmağın həzzini,
məktəblinin əzbərində eşitdiyin
Sakit okeanda axtarırsan.
kürənin
şərqi ya qərbi
Harda olmağın yox,
kimlə olmağın
fərqi qocanın
yaşıl gözlərindədi.
dünyanın
ən uzaq nöqtəsində
kimdənsə şərqdəsən,
kimdənsə qərbdə.