Aysel Surə
Vətən, göyün mavi, torpağın qara,
Dənizin duman, üzüm qara,
Gözlərim görmür irəlini,
Gedə bilmirik bir addım qabağa.
Vətən, ayağım balta, əlim zəhər.
Bilmirəm neçə arzunu kəsər.
Əlim batır qanına hər gün bir az daha.
Bağışla səni öldürmürəm, girirəm qanına.
Gözlərindən axıram, düşürəm torpağına,
Qarışıram neft bulantılarına.
Düşürəm borularına, satılıram qırağa.
.
Məşəlimin qabağına gül dəstələri qoyur harınlar.
Ağızlarında çörəyinin iyi, ayaqlarında xəyanətin izi var.
Gözlərindən verdikləri bilinir
Hər gün yeni birinə adını.
Ey sən, Səması mavi, Günəşi sarı, gecəsi hilal
Boynuna sarılım, doya-doya qoxlayım
Şah damarından axan qanları,
Neftinə qarışan yaşları.
Ey bənizi soluq, başı bağlı,
Ayağı qandal.
Açarın məndədir.
Qoyma satılım qırağa.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
