sənə şeir yazmışam açıb oxu gizlicə,
oxumasın qoy heç kəs..
çoxu gizlicə yazılıb şeirlərin...
sənə şeir yazmışam açıb oxu
hər gecə qoy ilham alım səsindən
sevincdən gülümsəyən dodaqlarının nazından
toxuyum gül çələngi qoyum başın üstə
sultanım ol hər gecə...
nə desən başım üstə.
sənə şer yazmışam oxu güllər içində
özün də varsan elə çiçək biçimdə
yetər ki sən dönəsən başımın çələnginə
baxasan dünyamızın xoşbəxtlik adı altda səsləşən ahənginə... sənə şeir yazmışam bağışlandığım üçün...
necə xoşbəxtəm bu gün!!!
gördüm ürəyin gücün!
gördüm böyüklüyünü
gəzdim genişliyini
anladım ki nadanam sındırdım ürəyini
nolar, bağışla məni…
***
dərdləşmək istəyirəm...
hardadı dərd həmdəmim...
hardadır ikinci mən,
bəlkə içimdə mənim...
gizlənib o tapıntı…
qulağımda pıçıltı...
əllərimdə əl izi...
gözlərimin içində gizlənib yəqin özü...
***
ad çıxarma bu sevgidən,
xırdalama bu sevgini,
bu sevginin sonu yoxdu
cadulama bu sevgini..
baş hərfi sənin adın,
son hərfində soyadın
gözümdə yaş da qoymadın...
gül, ağlama bu sevgini...
ürək vurur ağıl yatmır,
sevgi oxu başa batmır
bu nömrəyə zəngdə çatmır
get arama bu sevgini
unutmaqcun ovundun ki,
bəlkə onu unutdun ki!
bu sevgidən nə qoydun ki
qurdalama bu sevgini...
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
