Kulis.az Cavid Musanın yeni şeirlərini təqdim edir.

Zaman..

Bu dünyada hər şey bitir.
Bəs bitməyən şeylər nədi?
Zaman...
Zaman sonsuz, Zaman əbədi.
Şəfəqlərdə quşların səsini eşidirsən?
Onlar uçdu.
Bəs ağaclarda yarpaqların
xışıltılı səslərini eşidirsən?
Onlar töküldü.
Xəzan üstə yeriyən insan?
Onlar torpağa qarışdı.
Hər şey "bir anda" olur.
Hər şey "bir anda" bitir.
Hər şey bitir, "bir an" bitmir.
Zaman sonsuz, zaman bitmir!

Sevən ürək

Sevgi - ürəklərdə odla suyun qarışığı.
Sevgi - küsən könüllərin barışığı.
Sevən ürək alovlar içində diridir-diri.
Sevən ürək bu dünyadan iridir-iri.
Sevgisiz dünyaya baxma.
Süni heçnə istəmirəm,
Süni hər şey qəmdir mənə.
Süni cənnət olsa belə,
Cəhənnəmdir mənə.
Hisslərim qarışır.
Qəzəbim - ağlım ilə yarışır.
Gecələr xəyallarım alovlanır - alışır.
Qəlbimdə ağrı-acı dolaşır.
Mən nə edim?
Bir qərar verməliyəm, bacarmıram.
Qoy, yeni başlanğıc arzusu olsun.
Unutma, həsrət sonsuz deyil.
Vüsala yetməyin mənası olsun.

Ulduz işığı

Gecə ulduzlar səmanı örtür.
Kimsə ulduz sayını bilmir.
Bəzən qovuşmur biri-birinə,
Ulduzlar öz tayını bilmir.
Hər ulduz bir həyatdır.
İnsan ömrünə işıq salır.
Darıxanda seyr elə ulduzları,
Bizə həyatın qiymətini xatırladır.
Gözümü açıb, müharibə gördüm.
Savaşın içində böyüdüm.
Ulduz görə bilmədim mavi səmada.
Barıt tüstüsündən, silah səsindən.
Vətənimə hücum çəkdi,
Düşmənləri hər tərəfindən.
Hey düşünürəm,
Bu dünya səni nə vaxtdan
Yox etməyə başladı Vətən?!

• Detektiv roman oxumaq ayıbdırmı? - Qismət Rüstəmov
• Ancelina Colidən Bred Pitt haqqında yeni iddia
• "Çox pis vərdişlərim var..." - Günün şeiri