“Azdrama” Mehdi Məmmədovun məzarını ziyarət edib

“Azdrama” Mehdi Məmmədovun məzarını ziyarət edib
23 may 2018
# 09:52

Akademik Milli Dram Teatrının kollektivi Fəxri xiyabanda xalq artisti, görkəmli rejissor Mehdi Məmmədovun məzarını ziyarət edib.

APA-nın məlumatına görə, Azərbaycan Teatr Xadimləri İttifaqının sədri, Akademik Milli Dram Teatrının bədii rəhbər-direktoru, xalq artisti Azər Paşa Nemətov Mehdi Məmmədovun Azərbaycan teatrının inkişafındakı xidmətlərindən danışıb.

O qeyd edib ki, Mehdi Məmmədov Azərbaycan teatrı və mədəniyyətinin böyük simalarından biridir: “Mehdi müəllim həm Akademik Milli Dram Teatrında, həm də Teatr Xadimləri İttifaqında çox böyük işlər görüb. Mehdi Məmmədovla bağlı mənim çox gözəl xatirələrim var. O, təkcə sənətkar kimi yox, eyni zamanda müəllim və insan kimi də böyük mənəvi keyfiyyətlərə malik şəxsiyyət idi”.

Mehdi Məmmədovun ailə üzvləri adından çıxış edən Əsəd Məmmədov görkəmli sənətkarın quruluş verdiyi tamaşalar, yetişdirdiyi tələbələr haqqında danışıb: “Teatr onun həyatı idi. Mehdi Məmmədov öz həyatını teatrsız təsəvvür edə bilmirdi, həyatın hər bir hadisəsini teatra qısqanırdı. Teatra olan hədsiz marağının nəticəsi idi ki, ruhani olan atasının iradəsi əleyhinə çıxıb bu sənəti seçmişdi. Ömrünün sonuna qədər müəllim oldu, tələbələr yetişdirdi, teatrımızın inkişafı üçün əlindən gələni etdi”.

Qeyd edək ki, Azərbaycan prezidenti İlham Əliyev görkəmli teatr rejissoru, tanınmış aktyor, teatrşünas alim və pedaqoq, xalq artisti Mehdi Əsədulla oğlu Məmmədovun anadan olmasının 100 illiyinin qeyd olunması münasibəti ilə sərəncam imzalayıb.

# 1355 dəfə oxunub

Oxşar xəbərlər

Məşhur komediya ustası Peker Açıkalın xəstəxanaya yerləşdirildi

Məşhur komediya ustası Peker Açıkalın xəstəxanaya yerləşdirildi

18:37 28 aprel 2025
Azərbaycan kinematoqrafçıları hökumətə müraciət etdilər

Azərbaycan kinematoqrafçıları hökumətə müraciət etdilər

09:47 28 aprel 2025
Yasaq sevgi hekayəsi - Yeni serial

Yasaq sevgi hekayəsi - Yeni serial

18:48 24 aprel 2025
700 layihə arasından seçilmiş - "Kür"

700 layihə arasından seçilmiş - "Kür"

12:40 24 aprel 2025
Trampın betonla savaşı, İsanın anası və yəhudilər

Trampın betonla savaşı, İsanın anası və yəhudilər

09:00 24 aprel 2025
“Mənim sehrli dünyam” təqdim ediləcək

“Mənim sehrli dünyam” təqdim ediləcək

18:30 23 aprel 2025
# # #