Kulis.az tətildə baxılası filmləri təqdim edir.

1. Üç günə necə ərə getməli? – Anand Taker (2010)

Romantik komediya filmi. 29 fevral Böyük Britaniya və İrlandiyada Müqəddəs Osvaldo Günüdür. Bu tarixdə qadınlar kişilərə evlilik təklifi edirlər və kişilər buna etiraz etməməlidir. Məhz bu gün amerikan qadın Anna Bredi qərara gəlir ki, öz sevgilisinə evlilik təklifi etsin və onunla birlikdə Dublinə getsinlər.

2. Fərqli qadın – Nik Kassavets (2014)

Amerikan komediya filmi. Vəkil Karli və investor Mark. Onlar arasındakı münasibət əladır, hər şey yaxşıdır. Mark ideal kişidir və Karli romantik bir eşq yaşayacağını düşünür. Ancaq bir gün məlum olur ki, Mark evlidir və o bu evliliyi hamıdan gizlədir...

3. İtkin qadın - Devid Finçer (2014)

Detektiv triller filmi. Nik və Emi evliliklərinin beş ilini qeyd etməyə hazırlaşırlar. Bir gün Nik evə gələndə xanımını evdə tapmır. Düşünür ki, bu ya itkidir, ya da oğurluq...

4. Beyin ovçuları – Morten Tildum (2011)

Norveç filmi. Qara yumor elementli kriminal triller. Rodjer Braun filmin baş qəhrəmanı Norçevin beyin ovçusudur. O, ikili həyat yaşayır. Onlardan biri kriminaldır: incəsənət nümunələrini oğurlamaq. Braunun xanımı onu tez-tez qiymətsiz eksponatlar sahibi ilə görüşdürür. Rodjer düşünür ki, bu rəsmləri oğurlamaq üçün yaxşı imkandır. Ancaq qəhrəman öz düşmənini düzgün qiymətləndirmir.

5. Yaşıl şüa – Erix Romer (1986)

Komediya-dram filmi. 30 yaşlı qadının əri ilə münasibətindən bəhs edən gözəl bir film izləyəcəksiniz...

6. İyrənclər, kirlilər, zalımlar – Ettore Skola (1976)

Komediya filmi. Canito Maçatellonun ailəsi. Hərə bir işlə məşğuldur. Bir gün Canito bir qadın gətirir evə və onunla yaşayacağını deyir...

7. Hovuz – Fransua Ozon (2003)

Psixoloji dram filmi. Məşhur detektiv yeni roman yazmağa başlayır. Yaradıcılıq işləri ilə məşğul olan yazıçı tamam başqa bir mühitə düşür. Qaldığı evdə ev sahibinin qızı hər gün musiqiyə qulaq asır, səs-küy salır... Maraqlı bir film sizi gözləyir...

8. Yüngül davranış – Stefan Elliot (2008)

Britaniya filmi. Romantik komediya. XX əsrin 20-ci illəridir. Film gənc ingilisin gözəl və cazibədar amerikan qadınına məhəbbətindən bəhs edir.

9. Roma macəraları - Vudi Allen (2012)

Romantik komediya. Vudi Allenin gözəl bir filmi qarşınızda. Film Romada baş verir və dörd süjet xətti var. Dörd cürbəcür hekayə, fərqli-fərqli adamlar. Maraqla izləyəcəksiniz...

10. Yay – Devid Lin (1955)

Melodram filmi. Subay, elə də gənc olmayan bir qadın istirahət üçün doğulduğu Venesiyaya gedir. Ətrafdakı xoş münasibət, gözəl mənzərələr qadının tənhalığını ovutmur. Və bir gün o bir adamla tanış olur...

• Amerikan futbolu əfsanəsinin həyatı ekranlaşdırıldı
• İngilis rəssamın məşhur əsəri hərraca çıxarılacaq
• Qaraçı qızı - Migel de Servantesin hekayəsi