Rusiyalı rejissorlar kinoda ana söyüşü qadağasına yenidən baxılmasını istəyib. Bu barədə kulis.az gazeta.ru-ya istinadən xəbər verir.

Rusiya kinematoqrafçıları Rusiya Federasiyasının baş naziri Dmitri Medvedevə yazdıqları məktubda bədii əsərlərdə senzuraya uyğun olmayan leksikondan istifadə haqqında qanuna düzəlişlər edilməsini xahiş ediblər. Bu barədə mətbuata kinorejissor Fyodor Bondarçuk açıqlama verib.

Kinematoqrafçılar Medvedyevdən mövcud qanunverciliyə “bədii fikri qüvvətləndirmək məqsədilə senzuraya uyğun olmayan ifadələrin işləndiyi filmlərə “18+” məhdudiyyəti qoymaqla prokat hüququnu vermək barədə” düzəlişlər etmək üçün sərəncam verməsini xahiş ediblər.

Bondarçukun sözlərinə görə, onun özündən başqa bu məktubu Nikita Mixalkov, Karen Şahnazarov, Sergey Miroşniçemko, Oleq Tabakov və Vladimir Xotinenko da imzalayıb.

Məktubda həmçinin “Rusiyada kinematoqrafiyaya dövlət dəstəyi haqqında” federal qanuna görə, filmin senzuraya uyğun olmayan ifadələr istifadə olunduğu təqdirdə prokat hüququndan məhrum olunması məsələsi də xatırladılır.

“Göstərilən norma qəhrəmanların senzuradan kənar ifadələrin işlədərək cəmiyyətin neqativ hallarını realistcə göstərən, yüksək bədii dəyərləri olan kinematoqrafiya nümunəsinin geniş tamaşaçı kütləsinə nümayişinə imkan vermir”- məktubda deyilir.

Rejissorlar qeyd ediblər ki, “senzuradan kənar söyüşlər özlüyündə mənəvi mədəni irs hesab olunur”, həmçinin onlar “çirkin məişət söyüşünün yerli-yersiz ekranı doldurmasına" qarşı olduqlarını da yazıblar.

• “Gül kimi aktyor idin, niyə rahat dayanmadın?” - Hikmət Rəhimov bizdən nə istəyir?
• İran tarixində tac qoyan ilk azərbaycanlı qadın - O, Bakı səfəri haqqında nə yazmışdı?
• Tənqidimizin vicdanı Məmməd Arif - Tələbəsi Kamal Talıbzadə onu necə xarakterizə edirdi?