Məşhur baletmeyster Bakıda ustad dərsləri keçəcək

Kino

Ana səhifə
Kino

Məşhur baletmeyster Bakıda ustad dərsləri keçəcək

11 aprel 2019

09:27

Aprelin 15-dən 26-na kimi Rusiya Akademik Böyük Teatrının quruluşçu baletmeysteri Pyotr Kazmiruku Azərbaycan Dövlət Akademik Opera və Balet Teatrının balet truppasında ustad dərsləri keçəcək.

ONA xəbər verir ki, baletmeysteri Bakıya Azərbaycan Dövlət Akademik Opera və Balet Teatrı dəvət edib.

P.Kazmiruk 1998-ci ildə Moskva Dövlət Xoreoqrafiya Akademiyasını, 2002-ci ildə MDXA institutunu "balet artisti", "pedaqoq-repetitor" ixtisası üzrə bitirib. 1998-ci ildən Böyük Teatrda çalışır.

Quruluşçu baletmeyster kimi P.Kazmiruk Rusiyanın müxtəlif teatrlarında 20-dən artıq balet tamaşasının quruluşunu həyata keçirib.

P.Kazmiruk truppa ilə ustad dərsləri keçirməklə yanaşı, eyni zamanda ayrı-ayrı solistlərlə onların müxtəlif rollarda ustalıqlarını artırmaq üzərində çalışacaq.