Bu gün dahi aktyor-rejissor Çarli Çaplinin doğum günüdür. Kulis.az bu münasibətlə onun 1910-1930-cu illərdə çəkilmiş və sonradan rənglənmiş fotolarını təqdim edir.

İngilis komiki, rejissor, bəstəkar, səssiz kinonun ulduzu Çarlz Spenser Çaplin 1889-cu il, aprelin 16-da Londonda estrada artistlərinin ailəsində doğulub. 1915-ci ildə ekranlara çıxmış qısametrajlı “Avara” filmindən sonra bu ad artıq çoxlarına tanış idi. “Avara” bu gün də kino sənətində ciddi bir istiqaməti fsayılır. 88 il ömür yaşayan dahi aktyor ömrünün 75 ilini incəsənətə həsr edib.

Çaplinin uşaqlığı yoxsulluq və mərhumiyyət içində keçmişdi. Atası yox idi, anası isə qəpik-quruş qazanırdı. İlk dəfə səhnəyə çıxanda 5 yaşı var idi, 11 yaşında teatr aktyoru və komik kimi işləyirdi. Çaplinin 14 yaşı olanda anası psixiatrik klinikaya düşür.

19 yaşında Freda Karnonun teatrında aktyor kimi işə götürülür. Karno onu Amerikaya aparır. Orada kinoprodüserlər Çaplini qiymətləndirir, 1914-cü ildən gənc Caplin Keystoun studiyasının filmlərində görünməyə başlayır. Bir ilə aktyor 35 qısametrajlı filmə çəkilir. Avara obrazını özününküləşdirəndən sonra Çaplin Essenay studiyasına gəlir. 1918-ci ildə Çaplin artıq dünyanın ən məşhur şəxsiyyəti idi.

1919-cu ildə Çaolin United Artists adlanan distribüter kinostudiyasını həmtəsisçisi olur. Onun ilk tammetrajlı filmi “Körpə” (1921) idi, bunun ardınca Çaplin “Parisli xanım” (1923). “Qızıl ehtirası” (1925) və “Sirk” (1928) filmlərini çəkdi.

1930-cu illərdə səssiz kino öz yerini səsli filmlərə verməyə başlayanda da Çaplin səssiz filmlər çəkir - “Böyük şəhərin işııqları” (1931), “Yeni zamanlar” (1936). Dünya müharibəyə doğru gedirdi, Çaplinin filmləri daha da siyasiləşirdi. 1940-cı ildə çəkilən “Böyük diktator” Adolf Hitlerin açıq satirası idi.

1940-cı illərdə Çarli Çaplini kommunistlərə rəğbətdə, antiamerikan fəaliyyətdə ittiham etdilər. DTK Çaplinə qarşı cinayət işi qaldıranda o, ABŞ-ı tərk etməli oldu və İsveçrəyə köçdü.

Çaplin ssenari yazarı, bəstəkar, rejissor, prodüser idi, öz filmlərində özü oynayırdı. Çaplin mükəmməlçi idi, onun maliyyə azadlığı öz filmlərinin istehsalına və işlənməsinə illər sərf etməyə imkan verirdi. Çaplinin demək olar ki, bütün filmləri fars və pafos arasında qərar tutmuşdu.

• Məmməd İsmayıl palataya köçürüldü
• Günahı olmasa, öldürülməzdi... - Qadınlar niyə evlərinə yox, sığınacağa getməlidirlər?
• Qədim pulları oğurlayanlar həbs edildi