Mayın 8-i saat 19:00-da Nizami Kino Mərkəzində Şuşanın işğal günü ilə əlaqədar “Qara Bağ” və “İnikas” filmlərinin nümayişi keçiriləcək. Kulisin məlumatına görə hər iki qısametrajlı film Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında lentə alınıb.

“Qara Bağ” bədii filminin ssenari müəllifi və rejissoru Amil Məmiyevdir. Film, məcburi köçkünlərin hazırkı yaşayış tərzini, Qarabağ həsrətini bir sıra metaforik simvollarla göstərir. Çəkilişlər, Bakı şəhərində və Hacıqabul rayonunun Qızılburun qəsəbəsi yaxınlığındakı qaçqın şəhərciyində aparılıb.

Rolları Vidadi Əliyev, Elxan Abbasov, Rasim Cəfərov, Ayşad Məmmədov, Məzahir Həşimov, Svetlana Əliyeva, Səbinə Məmmədzadə və Soltan Əhməd canlandırıblar.

Ssenari müəllifi və rejissor Ayşad Səfərəliyevin “İnikas” filmi isə SSRİ dövründə Ağdamda yaşayan azərbaycanlı ailənin başına gələn mistik hadisədən bəhs edir. Babasının çardağından tapdığı köhnə fotoaparat ilə qarşısına çıxan hər şeyi çəkən Cavid şəkilləri aşkarlayanda onu nə gözlədiyini hələ bilmir. Filmdə rolları Elşən Rüstəmov, Tofiq Əliyev, Nargilə Qəribova və başqa aktyorlar canlandırıblar.

Film IV “Qırğızıstan – qısametrajlı filmlər ölkəsi” Beynəlxalq film festivalında “Münsiflər heyətinin xüsusi mükafatı”na layiq görülüb.

Nümayişdən qabaq, rejissorlar Ayşad Səfərəliyev və Amil Məmiyev jurnalist və tamaşaçılara filmlər haqqında fikirlərini bölüşəcəklər.

• II Yelizavetanın boyunbağısı fantastik qiymətə satıldı
• 49 yaşlı rejissor 18 yaşlı aktrisa ilə nişanlandı
• Ofeliya Sənani uzun fasilədən sonra