Di Kaprio Leonardo Da Vinçi obrazında

Di Kaprio Leonardo Da Vinçi obrazında
15 avqust 2017
# 10:48

Amerikalı aktyor Leonardo Di Kaprio rəssam Leonardo da Vinçi haqqında çəkiləcək bədii filmdə baş rolu oynayacaq. Kulis.z AZƏRTAC-a istinadən xəbər verir ki, amerikalı jurnalist və yazıçı Uolter Ayzeksonun “Leonardo da Vinçi” romanı əsasında çəkiləcək filmin prodüseri də Di Kaprio olacaq.

Roman bu ilin payızında ABŞ-da satışa çıxarılacaq. Kitabın naşirlərinin söylədiklərinə görə, müəllifin təsvir etdiyi hadisələrlə italiyalı rəssamın gündəliyindəki qeydlər, demək olar, eynidir.

Romanı ekranlaşdırmaq hüququnu “Paramount” şirkəti əldə edib. Lakin filmin istehsalına nə vaxt başlanılacağı barədə məlumat verilmir.

Di Kaprio etiraf edib ki, onun ən böyük arzularından biri həmin rolu oynamaqdır. Məsələ burasındadır ki, anası Florensiyada Uffitsi qalereyasını ziyarət edərkən bətnində tərpənən körpəyə məşhur rəssamın şərəfinə Leonardo adı vermişdi. Tanınmış aktyorun adını daşıdığı dahi rəssam haqqında çəkilən filmdə baş qəhrəman obrazını canlandırmaq arzusu da elə buradan qaynaqlanıb.

Qeyd edək ki, yazıçı Uolter Ayzekson məşhurların həyatı haqqında yazılan əsərlərin müəllifi kimi tanınır. Onun “Apple” şirkətinin qurucusu Stiv Cobs haqqında kitabı bestsellerə çevrilərək ekranlaşdırılıb.

# 2280 dəfə oxunub

Oxşar xəbərlər

Hamamda qətl - O, anasının meyitini niyə saxlayırdı?

Hamamda qətl - O, anasının meyitini niyə saxlayırdı?

13:10 29 aprel 2025
4 qardaşını vaxtsız itirən, Türkan Şorayı filmə çəkən Xalq artistimiz

4 qardaşını vaxtsız itirən, Türkan Şorayı filmə çəkən Xalq artistimiz

09:50 29 aprel 2025
Məşhur komediya ustası Peker Açıkalın xəstəxanaya yerləşdirildi

Məşhur komediya ustası Peker Açıkalın xəstəxanaya yerləşdirildi

18:37 28 aprel 2025
Azərbaycan kinematoqrafçıları hökumətə müraciət etdilər

Azərbaycan kinematoqrafçıları hökumətə müraciət etdilər

09:47 28 aprel 2025
Yasaq sevgi hekayəsi - Yeni serial

Yasaq sevgi hekayəsi - Yeni serial

18:48 24 aprel 2025
700 layihə arasından seçilmiş - "Kür"

700 layihə arasından seçilmiş - "Kür"

12:40 24 aprel 2025
# # #