Kulis.az mart ayında baxılacaq 10 film siyahısını təqdim edir.

"Project Hail Mary"

Rejissor: Fil Lord və Kristofer Miller.

Baş rolda: Rayen Qoslinq, Sandra Hüller.

Film Endi Veirin bestseller romanı əsasında çəkilib və yaddaşını itirmiş, kosmik gəmidə tək oyanan bir astronavtın bəşəriyyəti xilas etmək cəhdlərindən bəhs edir.

"The Bride!"

Rejissor: Meqqi Cillenhol.

Baş rolda: Kristian Beyl, Cessi Bakli.

Filmin süjet xətti 1930-cu illərin Çikaqosunda cərəyan edir. Tənha və kədərli bir həyat sürən Frankenşteyn canavarı, özünə bir yoldaş hazırlamaq üçün həkim Evfroniusa müraciət edir. Onlar qətlə yetirilmiş gənc bir qadının cəsədini dirildərək "gəlin"i yaradırlar. Lakin gözlənilənin əksinə olaraq, bu yeni varlıq sadəcə bir "yoldaş" olmaqla kifayətlənmir. O, sürətlə inkişaf edərək öz müstəqilliyini elan edir, ətrafındakı dünyanı dəyişməyə başlayır və dövrün sosial normalarına qarşı çıxan radikal bir hərəkatın simvoluna çevrilir.

"Resurrection"

Rejissor: Bi Qan. Baş rolda: Şu Tsi.

İnsanların artıq yuxu görə bilmədiyi bir dünyada bir qadın keçmişini xatırlamağa çalışan bir canavara kömək edir.

"Hoppers"

Rejissor: Daniel Çonq.

Bu animasiyada heyvanların dünyasını anlamaq üçün öz şüurunu robot heyvanlara köçürən gənc bir qızın macəraları ekranlaşdırılıb.

"Peaky Blinders: The Immortal Man"

Rejissor: Tom Harper.

Baş rolda: Killian Mörfi.

Tomas Şelbinin hekayəsinə son nöqtəni qoyan bu filmdə Şelbi ailəsinin İkinci Dünya müharibəsi ərəfəsindəki sonuncu böyük mübarizəsi göstərilir.

"Uçan Köfteci"

Rejissor: L. Rezan Yeşilbaş.

Baş rollarda: Nazmi Kırık, Selin Yeninci.

Bu dram sadə bir insanın həyat mübarizəsini olduqca poetik bir vizual dillə təqdim edir.

"Ready or Not 2: Here I Come"

Rejissor: Mett Bettinelli-Olpin və Tayler Jillet.

Baş rolda: Samara Vivinq.

Uğurlu qorxu-komediya filminin davamı olan bu filmdə Qreyis yenidən varlı və təhlükəli bir ailənin hədəfinə çevrilir.

"The Moment"

Rejissor: Eydan Zamiri.

Baş rollarda: Çarli XCX, Aleksandr Skarsqard.

Müasir pop mədəniyyətini hədəf alan bu satirik film pop ulduzunun musiqi sənayesinin sərt qaydalarına qarşı müqavimətini əks etdirir.

"Misericordia"

Rejissor: Alen Girodi.

Keçmiş müəlliminin dəfn mərasimi üçün kəndə qayıdan gənc bir oğlan burada qəfildən özünü gərgin və sirli hadisələrin mərkəzində tapır.

"Reminders of Him"

Rejissor: Vanessa Kasuill.

Kollin Huverin məşhur romanı əsasında ərsəyə gələn bu melodramda həbsdən yeni çıxmış bir ananın öz qızına qovuşmaq üçün verdiyi emosional sınaqlar təsvir edilir.

• Ən kimsəsiz küçə sənin - Vaqif Bayatlı
• Dünyanın ən varlı məşhurunun adı açıqlandı
• İblisi harada axtarmalıyıq? - Mikayıl Ruhand